Яқинда Меган Маркл “Жейми Керн Лиманинг шоуси” номли подкастда иштирок этди. Бошловчи билан суҳбатлашиш давомида герцогиня шахсий ҳаётига оид кўплаб тафсилотларни бўлишди. Жумладан, у қизи ва ўғли учун амалга ошираётган таъсирли иши ҳақида сўзлаб берди.
У Арчи ва Лилибет учун махфий электрон почта яратганини ва унга мунтазам равишда хатлар йўллаётганини маълум қилди. Келажакда, болалари вояга етганида, Меган уларга ушбу почтага кириш имкониятини беради ва улар оналари қолдирган барча хабарларни ўқий олишади.
Меганнинг айтишича, бу ғояни унга танишларидан бири ўргатган.
Ўтган йили дугоналаримдан бири фарзандлари учун ўзига хос махфий электрон почта манзиллари яратганини ва уларни ҳаётларининг маълум бир пайтида совға қилмоқчи эканлигини айтди. У шунчаки уларга турли фотосуратлар юбориб, хабарлар ёзиб қўяр экан, дея тушунтирди у.
Герцогиня бу ғоя унга ёққанини айтади:
Мен буни ажойиб вақт капсуласи деб ўйладим, чунки болалигимда қоғоз альбомлар бўларди, аммо ҳозир авлод ўзгарди. Шу сабабли мен болалар учун электрон почта манзилларини яратдим.
Меган учун бу жуда муҳим, чунки у болалари исталган пайтда бу хатларни ўқиб, оналарининг уларни қанчалик севганини билишларини истайди.
Менимча, бу оналикнинг энг яхши томони. Гап болаларимнинг мен ёнларида эканлигимни, уларга ғамхўрлик қилаётганимни ва уларни тўлиқ тушунишга тайёрлигимни ҳис қилишлари ҳақида. Уларнинг ўсишини кузатиш менга ёқишини ва мен улар билан фахрланишимни билишларини хоҳлайман.
Бундан ташқари, Меган Маркл ҳақидаги бошқа сўнгги хабарлар ҳам унинг чиндан ҳам оналик билан банд эканлигини кўрсатмоқда. Жумладан, ўз подкастининг яқиндаги сонида герцогиня бу унинг ҳаётидаги энг катта қувончга айланганини эътироф этди. Шунингдек, у ҳатто дам олишга кетганда ҳам “болаларининг суратларидан кўз уза олмаслигини” айтади.
Болаларнинг почта қутиларига қачон кира олишлари масаласига келсак, Меган улар 16 ёки 18 ёшга тўлганларида бу имконият берилишини билдирди.
Изоҳ (0)