100 минг долларлик ёрдамчи: Голливуд юлдузлари энага ёллаётганда нималарга эътибор беришади? 

Машҳур оналар энага борасида жуда инжиқлик қилишади. Баъзида улар энага бола отасининг ўрнини босиши керак деб ҳисобласа, айримлари болани хурсанд қилиш учун уни видеодан рақсни ўрганишга мажбур қилишлари мумкин.

Бейонсе

Қиролича Б ёрдамчиларининг кимлигини реклама қилишни ёқтирмайди, чунки у оила хавфсизлигига жуда эҳтиёткорлик билан муносабатда бўлади. Ишдан бўшатилгандан кейин ҳам энагалар ўз исмларини ошкор этмайди — буни шартноманинг қатъий шартлари билан изоҳлаш мумкин. Эгизаклар — Сер, Румий ва Блюнинг саккизта энагаси бор. Улардан 2 таси кичик қизи Блюга қарашади.

“Эгизаклар турли вақтларда ухлайди, шунинг учун Бейонсе ҳар бирига учтадан энага керак, деб қарор қилади: эрталаб, тушдан кейин ва кечасига”, — деб тушунтирди оиланинг дўстлари. Бир неча йил олдин қўшиқчининг ёрдамчиларидан бирининг фақат битта вазифаси бўлган — Блюенинг таглигини ҳар соатда алмаштириш. Шундан сўнг талаблар ўзгарди ва эстрада хонандаси энагаларга “Single ladies” клипидаги рақсини ўрганишни ва қизи онасини соғинганда шу қўшиққа ўйнаб беришни талаб қилди.

Беёнс ва Жей-Зи энагалар учун йилига 100 минг доллар сарфлашади — бундай катта маошни Америкада юқори малакали шифокор, масалан, жарроҳ ёки Румининг энагаси олиши мумкин.

Женнифер Лопес

Жей Ло энага ёллашда мутлақо бошқача ёндашувга эга. У уйда саккизта энага бўлиши тарафдори эмас ва бир киши уларнинг вазифаларини бажаришини афзал кўради. Аммо иккита чет тилини биладиган ва ҳафтада 7 кун болаларга ғамхўрлик қилишни хоҳлайдиган бундай супер аёлни топиш жуда қийин. Лопес бунинг йўлини топди: у эркак энагани ишга ёллади.

2015 йилда қўшиқчи эркак кишининг тарбияси етишмаётган ўғли Макс учун дўст қидираётганини маълум қилди. Бу борада қизи Эммада муаммо йўқ: у бувиси ва онаси билан бирга юради. “Ўғлимга отасининг ўрнини босадиган одам керак”, — деб тан олади Женнифер.

Сара Жессика Паркер

“Уйимизда доим тартибсиз бўлади, лекин бу бизнинг энг севимли ишимиз. Биз энага хизматига мурожаат қилмасликка ҳаракат қиламиз”, — дейди юлдуз эгизаклари Табита ва Marion туғилгандан кейин. Аммо кейинчалик у ҳам Нью-Йорк кўчаларида энага билан бирга пайдо бўлди. Афтидан, тартибсизлик жонига теккан, актриса ва унинг эри ёрдамга муҳтож бўлган.

Сара Жессика узоқ вақт қизларини дунёга келтириб берган суррогат онанинг соғлиғи ҳақида қайғурган. Актриса болаларнинг биологик онасининг фаровонлигини таъминлайди, чақалоқлар туғилгандан кейин ҳам витамин ва қўшимчаларни қабул қилиш реакцияларини ёзиб юради.

Жессика Альба

Альбанинг энагаси ўзига хос юлдуз, Голливуднинг энг яхши энагаси деб айтиш мумкин. Конни Симпсонни ёллаш учун актриса унинг рақамини Жастин Тимберлейк ва Эмили Блантдан со;раб олган - умуман олганда, эбу энага катта талабга эга бўлган мутахассис. Профессионал ёрдамчи 30 йиллик тажрибага эга ва таниқли ота-оналар уни фидойилиги ва болалар севиб қолган ажойиб шахсиятини доим мақташади. Конни 250 дан ортиқ машҳур меросхўрларни тарбиялаган.

Шу сабабли Меган Маркл ва шаҳзода Гарри энага танлаш масаласига дуч келганларида Коннига мурожаат қилишган. Симпсон ҳатто тўрт ойгача бўлган болаларни тарбиялаш ҳақида китоб ёзган ва собиқ герсогиня у билан мунтазам равишда маслаҳатлашгани ҳақида миш-мишлар тарқалган. Аммо у Голливуднинг энг машҳур энагаси билан умумий тил тополдими ёки йўқми номаълум: Конни шов-шувли шон-шуҳратга эга бўлган ота-оналарни ёқтирмайди.