Баъзилар учун умр йўлдошини топиш жуда қийин бўлиши мумкин. Севгилимни учратолмай, бутун ҳаётимни ёлғиз ўтказаман деб ўйласангиз, адашасиз. 40 ёшдан ошганда оила қуриб, бахтли ҳаёт кечираётганлар талайгина.
Амал Клуни
Амал Аламуддин оила қурмасидан аввал машҳур адвокат эди, унинг айтишича, у турмушга чиқишни хаёлига ҳам келтирмаган.
“Мен ҳеч қачон бундай бўлади деб ўйламаган эдим. Мен тайёр эмасдим, бу савол мени ҳеч қачон қизиқтирмаган”.
2014 йилда ҳуқуқ ҳимоячиси Жорж Клуни билан унаштирилгани ҳақидаги хабар ҳаммани ҳайратда қолдиради. Ўша пайтда у 36 ёшда, актёр эса 53 ёшда эди. Севишганлар Венецияда никоҳдан ўтишади. Уч йилдан сўнг эгизаклари — Элла ва Александр дунёга келади. Эр-хотин шахсий ҳаётларини деярли реклама қилмайди, лекин қизил гиламга чиқишганда, уларнинг ҳис-туйғуларининг самимийлигига шубҳа йўқ. Афтидан, бу жуфтлик кеч турмуш қуриш ўз ярмингизни топиш учун ажойиб имконият эканлигини исботлади.
Салма Ҳаек
Салма Ҳаек нафақат машҳур бизнесменлардан, балки фильмдан партнёрларидан ҳам оила қуриш таклифини олган, лекин ҳеч бирига розилик бермаган. Ҳаммаси 2006 йилда 39 ёшли юлдуз дунёнинг ҳашаматли кийим-кечак брендларига эгалик қилувчи Kering компанияси бош директори Франсуа-Анри Пино билан танишганида ўзгарди. 3 йилдан кейин эр-хотин турмуш қуришади. Ҳаек турмуш ўртоғи ҳақида доим самимий илиқлик ва меҳр билан гапиради ва кеч турмушга чиққанидан умуман афсусланмайди. Бироқ у эри билан қандай танишгани ҳақида гапирмасликни афзал кўради:
“Бу романтик, ҳайратланарли ҳикоя, лекин бу меники. Мен ўзимни қизиқарли қилиб кўрсатиш учун уни янгилик ҳикоясига айлантириб, реклама қилишни хоҳламайман”.
София Вергара
София Вергара ва Жо Манганиэлло илк бор 2014 йилнинг май ойида танишган, бироқ ўша пайтда актриса бошқага унаштирилганди. Жо Манганиэллонинг тан олишича, у Софияга бир кўришдаёқ ошиқ бўлган, бировнинг қаллиғига бу ҳақда айтишни ўзига эп кўрмаган. Бироқ унинг ажрашаётганини эшитгач, дарҳол учрашувга таклиф қилади. Олти ой ўтгач, Манганиэлло севгилисининг қўлини сўрайди (бунинг учун у испан тилини махсус ўрганган). Ўғли Моноло рози бўлгач, тўй бир неча ойдан кейин ўтказилади. Ўша пайтда келин 43, куёв эса 39 ёшда эди. Юлдузли жуфтлик катта зиёфат уюштиради, унга оила яқинлари, дўстлар ва ҳамкасбларини таклиф қилишади.
Меган Маркл
Меган Маркл бундан аввал ҳам турмушга чиққан, аммо бу никоҳ узоқ давом этмайди. Айтишларича, Маркл карьерани танлаган, никоҳ узугини почта орқали эрига юборган. Кейинчалик 34 ёшли актриса шаҳзода Гарри билан 2016 йилда танишган. Малика Диананинг кичик меросхўри Голливуд юлдузини ҳайратда қолдиради. Бўронли романтикани бутун дунё оммавий ахборот воситалари ёритади, 2018 йилда улар турмуш қуришади. Бошдан кечирган барча қийинчиликларга қарамай улар ҳали ҳам бирга.
Кэмерон Диаз
Кэмерон Диаз Жаред Лето, Жастин Тимберлейк ва ҳатто Жей Лонинг собиқ эри Алекс Родригес каби кўплаб машҳур билан муносабатда бўлган. Тўғри, бу эркакларнинг ҳеч бири ундан турмушга чиқишни талаб қилмаган. Турмуш қуриш ўрнига актриса карьераси ва соғлиғига эътибор қаратишга қарор қилади. 2014 йилда у Good Charlotte гитарачиси Бенжи Мадден билан танишганида ҳаммаси ўзгаради. Бир неча ой ўтгач, 43 ёшли актриса унга турмушга чиқади. Айнан шу кеч никоҳ унга ҳаётини қайта кўриб чиқишга ва айни пайтда нимани хоҳлашини тушунишга имкон беради — актриса тинч ҳаётни танлаб, Голливудни тарк этади. 2020 йилда жуфтлик қиз фарзанд кўради.
Приянка Чопра
Приянка Чопра Ник Жонас билан танишганида 35 ёшда, йигит эса 25 ёшда эди. Қўшиқчининг севги иқрорларига қарамай, Приянка муносабатга киришишни хоҳламайди — ёш фарқи уни бир оз қўрқитарди.
“Мен китобни муқовасига қараб баҳолагандим”, — деб тан олади у.
Бироқ Жонас таслим бўлмоқчи эмасди — 2017 йилда жуфтлик Мет Гала қизил гиламида пайдо бўлиб, миш-мишларга сабаб бўлишади. 2018 йилда дастлаб Америка урф-одатлари бўйича, сўнгра ҳиндларникига кўра маросим ўтказишди. 2022 йилда эр-хотин қизли бўлди. Юлдузлар мунтазам равишда қизил гиламда биргаликда чиқиб, кеч никоҳ ва ёш фарқи ҳақидаги барча стереотипларни йўқ қилади.
Николь Кидман
Николь Кидман Маркус Грем, Ленни Кравиц, Жуд Лоу билан муносабатда бўлган — бу рўйхатнинг кичик бир қисми холос. Кўпчилик актрисанинг Том Круз билан турмуш қурганини эслайди, аммо 10 йилдан кейин эр-хотин ажралишади. Кидманнинг ҳаёти 2005 йилда кантри-қўшиқчи Кейт Урбан билан учрашгач, яхши томонга ўзгаради. Олти ой ўтгач, 38 ёшли юлдуз қўшиқчига турмушга чиқади. Кейтнинг таъкидлашича, унинг ҳаёти иккинчи турмушга чиққанидан кейин бошланган.
Изоҳ (0)