Никоҳ ришталарини шоу-бизнес вакиллари — актриса ва моделерлар билан боғлаган қироллик оиласи аъзолари ҳақида маълумот берамиз.
София Ҳелльквист ва шаҳзода Карл Филипп
София Хеллквист Швеция шаҳзодаси Карл Филипп билан учрашгунга қадар Paradise Hotel реалити-шоусида машҳур модел ва актриса эди. Қиз қироллик оиласи аъзоси билан ресторанда танишади, уларни ўзаро танишлари бир-бирлари билан таништириб қўяди. Бир неча йил ўтгач, жуфтлик никоҳдан ўтади, ҳозирда уларнинг учта фарзанди бор. Собиқ моделнинг сўзларига кўра, эрининг оиласи уни илиқ кутиб олган ва ҳеч қачон ўзини ортиқча ҳис қилишига йўл қўйишмайди.
Оливия Уайлд ва Тао Располи
“Доктор Хаус” юлдузи италиялик аристократ ва режиссёр Тао Располига турмушга чиққан. Тао Италия шаҳзодаси Алессандро Располининг ўғли. Жуфтлик танишганларидан олти ой ўтгач, Оливия 18 ёшга тўлганида никоҳдан ўтишади. Уайлд малика унвонини олади, аммо бу уларнинг ҳаётига ҳеч қандай таъсир қилмаганини таъкидлайди.
Афсуски, уларнинг никоҳи 2011 йилда бузилади. Миш-мишларга кўра, сабаблардан бири Уайлднинг ёшлигида фарзанд кўришни истамагани бўлган.
Грейс Keлли ва шаҳзода Ренье III
Голливуднинг энг гўзал актрисаларидан бири ва Европа князлигининг улуғвор ҳукмдори Канн кинофестивалида танишади. Грейснинг сўзларига кўра, улар бир-бирларини дарҳол севиб қолишади.
Бироқ ҳаммаси осонликча бўлмайди: Келли ёрқин карьера ва бойлигидан воз кечиши керак эди. Бундан ташқари, монархнинг қонуний хотини бўлиш учун актриса Монако ғазнасига 2 миллион доллар тўлаган.
Жессика Честейн ва Жан Лука Пасси ди Препосуло
Голливуд актрисасининг эри — қадимги италян аристократик оиласининг аъзоси. Унинг отаси граф унвонига эга, уни Жан Лука мерос қилиб олади (ва Жессика графиняга айланади). Бироқ эр-хотин зодагонликнинг ҳеч қандай имтиёзларидан фойдаланмасдан, одатий ҳаёт кечиради.
Софи Уинклман ва Фредерик Виндзор
Баъзи сабабларга кўра, Меган ва Гаррининг никоҳини муҳокама қилганда, кўп одамлар узоқ вақт давомида қироллик оиласида яна бир актриса борлигини унутишади. Софи 2009 йилда Кент шаҳзодаси Майклнинг ўғлига турмушга чиқади.
Фредерик Британия тахтидан узоқда бўлганлиги сабабли ҳеч ким қизга Лос-Анжелесда фаолиятини давом эттиришни тақиқламайди. Қизиғи шундаки, Софининг сўзларига кўра, унинг америкалик ҳамкасблари кўпинча уни Британия қироллик оиласи аъзоси эканлигини билишмаган (актриса суратга олиш майдончасида қизлик фамилиясидан фойдаланган).
Жейми Ли Кертис ва Кристофер Гест
Актриса 1984 йилда инглиз аристократига турмушга чиққан. 1996 йилда Кристофер барон Хейден-Гест унвонини мерос қилиб олди ва Жейми баронессага айланди. Бироқ бу унвонлар уларнинг ҳаётига ҳеч қандай таъсир қилмайди — иккаласи ҳам ижод билан банд (Кристофер ҳам актёр ва сценарий муаллифи) ва АҚШда яшайди.
Изоҳ (0)