“Ливерпуль” футболчиси Муҳаммад Салоҳ Англия Премьер Лигасининг 34-турида “Тоттенҳэм” дарвозасига гол уриб (5:1), чемпионат тарихидаги энг яхши тўпурарлар рўйхатида юқорилашга эришди.
Мисрлик футболчи Англия олий дивизионида ўзининг 185-голини киритиб, “Манчестер Сити” афсонаси Серхио Агуэро ортда қолдирди ва АПЛ тарихидаги энг яхши тўпурарлар ичида бешинчи поғонани эгаллади.
Салоҳдан олдинда тўрт нафар инглиз футболчиси жойлашган. Рейтингда биринчи ўринни 260 та гол билан Алан Ширер эгаллаб турибди. Иккинчи ва учинчи ўринларни эса Ҳарри Кейн (213 гол) ҳамда Уэйн Руни (208 гол) банд этган.
Муҳаммад Салоҳнинг навбатдаги мақсади — Энди Коулни ортда қолдириш. Сабаби Коул рўйхатда тўртинчи ўриндан жой олган бўлиб, унинг ҳисобида 187 та гол мавжуд. Салоҳ яқинда “Ливерпуль” билан шартномасини яна икки мавсумга узайтиргани сабаб, у рейтингда яна юқорилаш имконига эга бўлади.
Изоҳ (0)