Футбол бўйича Чемпионлар Лигасининг 4-туридан ўрин олган қатор ўйинлар 12 октябрь, чоршанба куни бўлиб ўтди.
«Ливерпуль» сафарда «Рейнжерс» меҳмони бўлди. Мерсисайдликлар рақиби устидан 7:1 ҳисобида зафар қучди. «Ливерпуль» сафида Ҳарви Эллиот ва Дарвин Нуньес биттадан гол урган бўлса, Роберто Фирмино дубль, Муҳаммад Салоҳ эса ҳет-трик қайд этди. Шотландия клуби сафида эса Скот Арфилд ўз ҳисобига гол ёздириб қўйди.
Юрген Клопп шогирдлари очколарини 9 тага етказиб, плей-офф йўлланмасини қўлга киритди. «Рейнжерс» эса бирорта очко жамғармаган ҳолда гуруҳ аутсайдери бўлиб турибди.
«Тоттенҳэм» ўз майдонида «Айнтрахт» билан баҳс олиб борди. Учрашувнинг 14-дақиқасида Даичи Камада ҳисобни очди. 20-дақиқасида Сон Ҳён Мин мувозанатни тиклади. 28-дақиқада эса Ҳарри Кейн пенальтини аниқ амалга ошириб, лондонликларни ҳисобда олдинга олиб чиқди. 36-дақиқада эса Сон дублни расмийлаштирди. 87-дақиқада Алиду томонидан урилган гол етарли бўлмади ва «шпорлар» 3:2 ҳисобида ғалаба қозонди.
D гуруҳининг иккинчи ўйинида «Марсель» «Спортинг»ни 2:0 ҳисобида мағлуб этди.
Антонио Конте шогирдлари D гуруҳида 7 очко билан етакчилик қилмоқда. «Марсель» ва «Спортинг» 6 очкодан жамғариб, 2 ва 3-поғоналарни банд этди. «Айнтрахт» эса 4 очко билан сўнгги ўринда бормоқда.
«Порту» эса сафарда «Байер»ни 3:0 ҳисобида таслим этди.
ЕЧЛ
4-тур баҳслари
12 октябрь, чоршанба
«Рейнжерс» Шотландия – «Ливерпуль» Англия 1:7
Голлар: 1:0 – 17 Арфилд, 1:1 – 24 Фирмино, 1:2 – 55 Фирмино, 1:3 – 66 Нуньес, 1:4 – 75 Салоҳ, 1:5 – 80 Салоҳ, 1:6 – 81 Салоҳ, 1:7 – 87 Эллиотт.«Рейнжерс»: Макгрегор, Таверне, Голдсон (Кинг, 45), Дэвис, Баришич, Жек (Дэвис, 60), Арфилд, Ландстрем, Чолак (Морелос, 76), Кент (Райт, 76), Сакала (Матондо, 76).
«Ливерпуль»: Алиссон, Гомес, ван Дейк, Конате (Милнер, 79), Цимикас (Робертсон, 68), Эллиотт, Карвалью, Ҳендерсон (Тиаго Алькантара, 67), Фабиньо, Фирмино (Диогу Жота, 73), Нуньес (Салоҳ, 68).
Огоҳлантириш: Гомес (90).
«Тоттенҳэм» Англия – «Айнтрахт» Германия 3:2
Голлар: 0:1 – 14 Камада, 1:1 – 20 Сон Ҳён Мин, 2:1 – 28 Кейн (пенальти), 3:1 – 36 Сон Ҳён Мин, 3:2 – 87 Алиду.«Тоттенҳэм»: Льорис, Эмерсон, Дайер (Санчес, 78), Лангле, Ромеро, Сессеньон, Ҳёйберг (Хил, 85), Бентанкур (Биссума, 67), Сон Ҳён Мин (Лукас Моура, 86), Кейн, Ришарлисон (Скипп, 67).
«Айнтрахт»: Трапп, Хасебе (Эбимбе, 69), Ндика, Тута, Ленс (Алиду, 70), Якич, Роде (Смолчич, 69), Соу, Камада (Геце, 78), Линдстрем, Коло-Муани (Борре, 69).
Огоҳлантиришлар: Дайер (12), Бентанкур (40), Тута (57), Хасебе (60), Сессеньон (84), Смолчич (90).
Четлатиш: Тута (59).
Изоҳ (0)