Англия Премьер-Лигасида 9-тур беллашувларига якун ясалди. Турнинг икки марказий ўйини кеча — 22 октябрь оқшомида бўлиб ўтди.
АПЛ. Жозе Моуриньо ва «Юнайтед»да мавсумдаги илк мағлубият. Гвардиола ва «Сити» тўхтамаяпти
Чемпионлик учун кураш олиб бораётган Лондоннинг «Тоттенҳэм» клуби ўз майдонида «Ливерпуль»ни қабул қилиб, 4:1 ҳисобида зафар қучди. Натижада «шпорлар» мазкур турда дебютант клубдан енгилган «Юнайтед» билан тенглашиб олди.«Ливерпуль» бош мураббийи Юрген Клопп ўтган мавсум якунларига кўра, ТОП-6 клублардан очко олиш борасида пешқадам бўлганди. Жорий мавсумда «мерсисайд» клуби мана шундай 4 та учрашув ўтказди. «Арсенал» 4:0 ҳисобида таслим этилган бўлса, «Юнайтед» билан голсиз дуранг ўйналди. Ўтган мавсумни «Ливерпуль»дан юқорироқ ўринда якунлаган икки клуб майдонида эса йирик мағлубиятлар кузатилди — «Сити» 0:5, «Тоттенҳэм» 1:4.
Лондоннинг «Арсенал» клуби мазкур турда йирик ғалабани қўлга киритиб, ҳамшаҳри «Челси» билан тенглашиб олди. Бош мураббий Арсен Венгернинг туғилган кунида «тўпчилар» «Эвертон» дарвозасига 5 та гол уришнинг уддасидан чиқа олди. Шу куни Уэйн Руни мавсумдаги 4-голини уришга эришганди. Аммо бу ливерпулликларга ёрдам бера олмади.
Англия Премьер-Лигаси 9-тур беллашувлари 22 октябрь, якшанба
«Эвертон» — «Арсенал» 2:5
Голлар: Уэйн Руни, 12 (1:0). Начо Монреаль, 40 (1:1). Месут Ўзил, 53 (1:2). Александр Ляказетт, 74 (1:3). Аарон Рэмзи, 90 (1:4). Байе Умар Ньясс, 93+ (2:4). Алексис Санчес, 95+ (2:5).Четлатиш: Идрисса Гуэй, 68 (Э).«Тоттенҳэм» — «Ливерпуль» 4:1
Голлар: Ҳарри Кейн, 4 (1:0). Сон Хён Мин, 12 (2:0). Муҳаммад Салоҳ, 24 (2:1). Деле Алли, 48+ (3:1). Ҳарри Кейн, 56 (4:1).
Изоҳ (0)