Лиссабоннинг “Спортинг” клуби ҳужумчиси Виктор Дёкереш “Олтин бутса” учун курашда пешқадамликни қўлга олди. 27 апрель, якшанба кунги ўйинда швед футболчиси “Боавишта” дарвозасига тўртта гол киритиб, жамоасининг 5:0 ҳисобидаги йирик ғалабасига ҳисса қўшди.
Ҳозирда 26 ёшли Дёкереш Португалия чемпионатида 30 ўйинда 38 та гол урган ҳамда Европанинг энг сермаҳсул футболчиси бўлиб турибди. У 57 балл билан Европа чемпионатларидаги энг яхши натижани қайд этмоқда.
“Ливерпуль” форварди Муҳаммад Салоҳ 28 та гол билан 56 балл тўплаган. Қайд этиш жоиз, Англия Премьер Лигасидаги ҳар бир гол 2 балл билан, Португалия чемпионатидаги бир гол 1,5 балл билан ҳисобланади.
Учинчи ўринда “Барселона” ҳужумчиси Роберт Левандовски 50 балл билан бормоқда. Улардан кейинги ўринларни “Бавария” форварди Ҳарри Кейн ва “Аталанта” футболчиси Матео Ретеги 48 балл билан эгаллаб турибди.
Изоҳ (0)