Москванинг “ЦСКА” клуби собиқ футболчиси Александр Гришин “армиячилар” вингери Аббосбек Файзуллаевнинг жорий мавсумдаги ўйинлари ҳақида фикр билдирди.
Унга кўра, жамоа тактикадаги ўзгаришлар футболчининг ўйинига салбий таъсир кўрсатган:
Файзуллаев аслида қанот ҳужумчиси. У айнан ўша жойда ўзини эркин ҳис қилади. Ҳозир эса уни бошқа позицияда ўйнатишмоқда, бу эса Аббосга ноқулайлик туғдирмоқда. Баъзида майдонда умуман йўқолиб қолади. Аввал у анча ёрқин ўйнаган, дейди Гришин.
Жорий мавсумда 21 ёшли ўзбекистонлик футболчи “ЦСКА” сафида Россия Премьер Лигаси ва Кубоги доирасида 32 ўйинда майдонга тушиб, 3 та гол ва 7 та голли узатма муаллифи бўлди. Унинг амалдаги шартномаси 2026 йил ёзигача мўлжалланган. Transfermarkt маълумотларига кўра, футболчининг қиймати 8 миллион еврога тенг.
Аввалроқ, ўзбекистонлик футболчига Туркиянинг “Галатасарой” клуби қизиқиш билдираётгани ҳақида хабарлар тарқалган эди.
Шунингдек, яқинда қишки трансфер ойнаси пайтида Файзуллаевнинг “Бенфика”га трансфери барбод бўлгани айтилди.
Изоҳ (0)