Собиқ аргентиналик ҳужумчи Карлос Тевес яқин орада ўзининг хайрлашув ўйинини ташкил этмоқчи. 2022 йилда профессионал фаолиятига якун ясаган футболчи энди бу борадаги режаларни жиддий кўриб чиқмоқда.
Тевеснинг сўзларига кўра, у мазкур баҳсга собиқ жамоадошлари ва терма жамоадаги дўстларини таклиф қилишни истайди. Улар орасида футбол юлдузлари Лионель Месси ҳамда Криштиану Роналду ҳам бор.
Мен, албатта, хайрлашув учрашувини ўтказаман. Фақат мос вақтни топиш керак. Мен Мессини ҳам, Роналдуни ҳам таклиф қилмоқчиман, дея Тевеснинг сўзларини келтиради АлбиcелестеTalk нашри.
Эслатиб ўтамиз, Карлос Тевес ўз вақтида Криштиану Роналду билан “Манчестер Юнайтед”да, Лионель Месси билан эса Аргентина терма жамоасида бирга тўп сурган.
Маълумот учун, ҳозирда португалиялик юлдуз Саудия Арабистонининг “Ан-Насср” клубида тўп тепса, Ле Месси АҚШнинг “Интер Майами” жамоаси шарафини ҳимоя қилади.
Изоҳ (0)