“Интер Майами” КОНКАКАФ Чемпионлар Лигаси 1/8 финали дастлабки ўйинида Ямайканинг “Кавалиэр” клубини 2:0 ҳисобида мағлуб этди. Жамоа етакчиси Лионель Месси кетма-кет иккинчи учрашувни ўтказиб юборди.
Охирги икки баҳсда Лео на асосий таркибда, на захира ўриндиғидан жой олди. Бош мураббий Хавиер Маскерано бу қарорни футболчининг эҳтимолий жароҳатдан сақланиш мақсадида қабул қилганини билдирди.
ESPN хабарига кўра, аргентиналик юлдузда ҳеч қандай жароҳат йўқ, балки жисмоний ҳолатини яхшилаш учун дам олган. Месси бундан олдин MLS доирасидаги “Хюстон Динамо”га қарши баҳсда ҳам майдонга тушмаган. Шундан кейин мураббий Хавиэр Маскерано Месси ҳақида қуйидагиларни айтди:
Лео машғулотларда қатнашди. Кеча ҳам, бугун ҳам тўлиқ шуғулланди. Унинг аҳволи яхши, аммо биз у учун энг яхши қарорни қабул қилдик. Месси 6 кун ичида 3 та ўйин ўтказди. Шунинг учун унга бир оз дам беришга қарор қилдик
Кейинги ўйинда Месси майдонга тушадими ёки йўқ, бу ҳозирча номаълум. Жорий мавсум футболчи MLS доирасидаги 1 учрашувда майдонга тушиб, 2 ассист муаллифига айланган. “Интер Майами” 2 учрашувдан кейин 4 очко билан турнир жадвалида 3-ўринни эгаллаб турибди.
Изоҳ (0)