Сотқинлик ортидан келган бойлик: ХIX асрда Бухоро яҳудийлари қандай қилиб “пахта қироли”га айланди?

Марказий Осиё ҳудудида яҳудий савдогарлари ХIX аср охири ва ХХ аср бошларида муҳим иқтисодий куч сифатида шакллана бошлади. Айниқса, Россия империяси минтақадаги мамлакатлар (Бухоро амирлиги, Хива ва Қўқон хонлиги)ни истило қилгач, яҳудийларнинг нуфузи кескин ошди. Бу даврга келиб яҳудийлар ўзларига берилган имтиёзлардан фойдаланган ҳолда ўз савдо тармоқларини кенгайтириб, улкан капитал тўплади ва халқаро савдода муҳим ўрин тута бошлади.

Лекин савол туғилади: нега подшоҳ ҳукумати Марказий Осиёни эгаллагач, бу ердаги яҳудийларга катта имтиёзлар берди? Қандай қилиб амирлик ва хонликлар даврида чекловда ҳаёт кечирган яҳудийлар қисқа фурсат ичида бойиб кетди? Қуйида шу ҳақида сўз юритамиз