Габон терма жамоаси ҳужумчиси Аарон Бупендза Хитойда 11-қаватдан қулаб тушиб, ҳалок бўлди. Бу ҳақда Фанатик нашрига таяниб Sport-Express хабар бермоқда. Футболчининг ўлимини Бухарестнинг “Рапид” клуби бош мураббийи Мариус Шумудике тасдиқлаган.
Маҳаллий полиция ҳодиса юзасидан бир нечта ҳолатни кўриб чиқмоқда. Улар орасида Бупендза воқеа содир бўлган пайтда квартирада бўлган укаси билан жанжаллашгани ҳақидаги маълумот ҳам текширилмоқда.
Бупендза сўнгги пайтларда Хитойнинг “Чжецзян Профешнл” клуби сафида тўп сураётган эди. Унинг ушбу клуб билан тузган шартномаси 2026 йил декабригача мўлжалланганди.
Аввалроқ у Бухарестнинг “Рапид”, АҚШнинг “Синсиннати”, Саудия Арабистонининг “Ал-Шабаб” ва “Ал-Араби” клублари ҳамда Туркиянинг “Ҳатайспор” жамоаларида тўп сурган.
Аарон Бупендза 2016 йилдан 2023 йилгача Габон терма жамоаси сафида 35 та ўйинда майдонга тушиб, 8 та гол уришга эришган.
Изоҳ (0)