БААнинг Дубай шаҳрида 27 декабрь, якшанба куни Globe Soccer Awards—2020 маросими бўлиб ўтди. Унда 2020 йилнинг ва XXI асрнинг энг яхшилари аниқланди.
2020 йилнинг энг яхши клублари сифатида «Бавария» эътироф этилди. Мюнхениклар ўтган йил давомида Германия чемпионати, мамлакат Кубоги ва Суперкубогини қўлга киритди, шунингдек, Чемпионлар Лигаси ва УЕФА Суперкубогида зафар қучди.
Мадриднинг «Реал» клуби XXI асрнинг энг яхши жамоаси деб топилди. Ортда қолган 20 йил давомида «Қироллик клуби» етти бор Испания чемпионлигини қўлга киритди ва беш марта Чемпионлар Лигасида зафар қучди.
Мадрид клуби сўровномада «Барселона», «Бавария» ва «Ал-Аҳли» (Миср) каби клубларни ортда қолдирди.
Мавзуга доир:
Шунингдек, маросимда XXI асрнинг энг яхши футбол агенти аниқланди. Унга кўра Жорже Мендеш сўнгги йигирма йилликнинг энг яхши агенти деб топилди. Португалиялик бу борада Мино Райолани ортда қолдирди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)