Клублар ўртасидаги ЖЧ. “Реал” “Ал-Аҳли” устидан йирик ҳисобда ғалаба қозонди  

Футбол бўйича Клублар ўртасидаги Жаҳон чемпионати ярим финалида “Реал” 8 февраль, чоршанба куни “Ал-Аҳли” билан баҳс олиб борди.

Учрашувнинг 42-дақиқасида Винисиус Жуниор ҳисобни очди. 46-дақиқада эса Федерико Валвдерде мадридликларнинг иккинчи голига муаллифлик қилди. 65-дақиқада Али Маалул пенальтидан унумли фойдаланиб, ҳисобни қисқартирди. 

Ўйин сўнгида Родриго ва Аррибас ўз ҳисобларига гол ёздириб қўйди ва Карло Анчелотти шогирдлари 4:1 ҳисобида ғалаба қозониб, финалга йўл олди.

Дастлабки ярим финалда “Ал-Ҳилол” “Фламенго” устидан 3:2 ҳисобида зафар қучганди. 

Клублар ўртасидаги ЖЧ—2023

Ярим финал баҳси

8 февраль, чоршанба

“Ал-Аҳли” (Миср) — “Реал” (Испания) 1:4

Голлар: 0:1 – 42 Винисиус Жуниор, 0:2 – 46 Вальверде, 1:2 – 65 Маълул (пенальти), 1:3 — 90+3 Родриго, 1:4 90+8 Аррибас.

“Ал-Аҳли”: Аш-Шенави, Ҳани, Метуали, Абдулмоним, Маълул, аш-Шаҳат (Муҳаммад, 75), Абдулқодир Радван, ас-Сулайя, Магди Кафша (Қаҳраба, 88), Денг (Фатҳи, 61), Шариф (Тау, 61).

“Реал Мадрид”: Лунин, Начо, Алаба, Рюдигер, Камавинга, Модрич (Одриосола, 90+5), Кроос (Себальос, 77), Тчуамени, Вальверде, Винисиус Жуниор (Аррибас, 90+8), Родриго (Диас, 90+5).

Огоҳлантиришлар: Абдулмоним (85), Тчуамени (85).