Қашқадарё вилояти Қамаши туманидаги мактабда директор ва ўқитувчи аёл соч юлишиб жанжаллашди. Бу ҳақда “Ҳудуд” дастурида хабар берилди.
Маълум қилинишича, 29 февраль куни вилоятнинг Қамаши туманидаги 67-мактабда бошланғич таълим ўқитувчиси ва вақтинчалик директор лавозимини бажарувчи шахс ўртасида юзага келган келишмовчилик жанжалга айланган. Можарога мактабнинг ўқув ишлари бўйича директор ўринбосари ҳам аралашган.
“Директор ўринбосари, директор иккаласи судраб киргизаётган экан. Иккаласи бир-бирининг сочидан ушлаб олган. Менинг ажратишга кучим етмади”, дейди у,
Жанжалда иштирок этган ўқитувчи воқеа сабабини қуйидагича изоҳлади:
“Ўриндош дарслар сўраб борардим. Жалилова мендан маблағ талаб қилар эди. Мен бунга рози бўлмадим. Шу учун мен билан тескари бўлиб қолди”.
Собиқ директор эса тиббий таътилга чиққан.
Мактабдаги жанжаллар
Сирдарёда ўқитувчи 1-синф ўқувчисини қўлига игна санчиш билан жазолагани ҳақида хабарлар тарқалганди. Суриштирув давомида юқоридаги ҳолат тасдиғини топмаган.
Қашқадарёнинг Шаҳрисабз туманидаги мактабда ўқитувчи 5-синф ўқувчисини уриб жароҳатлади. Қарши шаҳридаги мактабда ўқитувчи ва ўқувчи ёқалашгани тасвирлари тарқалди. Алгебра фани ўқитувчиси ва 10-синф ўқувчиси бўлган икки қиз ўртасида ўзаро келишмовчилик келиб чиқиб, оғзаки тортишиб қолган. Уларнинг хатти-ҳаракатларига чора кўриш учун судга берилган.
Тошкентдаги мактабда аёл дастлабки иш кунида ўқувчини калтаклагани ҳам кенг муҳокамаларга сабаб бўлганди. Аёл жазоланиб, мактаб директори ишдан олинганди.
Изоҳ (0)