Ўзбекистон терма жамоаси ярим ҳимоячиси Жасурбек Яхшибоев фаолиятини Эрон чемпионатида давом эттиради. 27 ёшли футболчи “Нассажи Мазандаран” клуби билан шартнома имзолаган.
Хабар расман тасдиқланмаган, аммо ижтимоий тармоқда футболчи клуб билан битим имзолагани ҳақида расмлар тарқалди. Ҳозирча шартнома неча йилга мўлжаллангани ва ойлик маошлари ҳақида маълумотлар ошкор қилинмаган.
Ўтган мавсумда Яхшибоев Қозоғистоннинг “Ордабаси” жамоаси сафида тўп сурган эди. Энди эса у Эрон чемпионатида ҳаракат қилади. Жасурбек Про Лигада ўйнаётган тўртинчи ўзбекистонлик футболчига айланиши мумкин. Ҳозирда Эронда Ўткир Юсупов, Жалолиддин МАшарипов ва Остон Ўрунов каби Ўзбекистон терма жамоаси аъзолари бор.
Яхшибоев ўз фаолияти давомида турли мамлакатларда ўйнаган. У “Ордабаси”дан ташқари Польшанинг “Легия”, Молдованинг “Шериф”, Беларуснинг “Шахтёр” клублари шарафини ҳимоя қилган. Ўзбекистонда эса “Пахтакор” ва “Навбаҳор” жамоаларида тўп сурган.
Изоҳ (0)