Ўзбекистон терма жамоаси футболчиси Остон Ўрунов Жаҳон чемпионати саралаши доирасидаги Эронга қарши баҳсда қатнаша олмайди. Бу ҳақида Etemadonline.com нашри хабар берди.
Манбага кўра, футболчи жароҳатидан тўлиқ фориғ бўла олмаган ва Ўзбекистон терма жамоасининг машғулотларида иштирок этмаяпти. Ўрунов аллақачон миллий жамоа базасини тарк этган ҳамда “Персеполис” сафига қўшилган. 23 март куни футболчи машғулотларга қайтгани ҳамда 8-тур доирасидаги баҳсда майдонга тушиши айтилганди.
Шунингдек, Жалолиддин Машарипов ҳам сариқ карточкалари кўпайиб кетганлиги сабабли Эрон билан ўйинни ўтказиб юбориши аниқ бўлганди.
Аввалроқ Эрон терма жамоаси аъзоси Рузбеҳ Чешми жароҳат сабаб, Муҳаммад Моҳеби дисквалификация сабаб Ўзбекистонга қарши учрашувда майдонга туша олмаслиги хабар қилинганди.
Элатиб ўтамиз, Эрон ва Ўзбекистон терма жамоалари ўртасидаги беллашув бугун, 25 март куни бўлиб ўтади. Учрашув Теҳрондаги “Озоди” стадионида Тошкент вақти билан 21:00 да бошланади.
Изоҳ (0)