Жаҳон чемпионати саралаши доирасидаги Ўзбекистонга қарши баҳс олдидан Эронда жиддий йўқотиш бор. Бу ҳақда Варзеш3 нашри хабар бермоқда.
“Истиқлол” клуби ярим ҳимоячиси Рузбеҳ Чешми жароҳат сабаб 8-турни ўтказиб юборади.
Манбага кўра, футболчи машғулот пайтида мушакларини жароҳатлаб олган. Шу боис у форсларнинг Ўзбекистонга қарши ўйин олди машғулотларида қатнашмаяпти ҳамда терма жамоа лагерини тарк этган.
Футболчи Эрон сафидаги энг тажрибали ярим ҳимоячилардан ҳисобланади. У жамоанинг 7-тур доирасидаги БААга қарши баҳсида 90 дақиқа ўйнаган ва Flashсcоре томонидан 7 баллга лойиқ кўрилган.
Умуман олганда, Рузбеҳ Эрон таркибида 36 беллашувда майдонга тушиб, 2 гол муаллифига айланган.
Шунингдек, Муҳаммад Моҳеби ҳам дисквалификация сабаб Ўзбекистон билан бўладиган ўйинда қатнаша олмайди. “Ростов” клуби аъзоси ЖЧ саралаш беллашувлари доирасидаги Қатар ва БААга қарши учрашувларда сариқ карточка олган.
Эслатиб ўтамиз, Эрон — Ўзбекистон баҳси 25 март, сешанба куни бўлиб ўтади. Учрашув Теҳрондаги “Озоди” стадионида Тошкент вақти билан 21:00 да бошланади.
Изоҳ (0)