Сатурн ҳалқалари 23 март куни бутунлай “кўздан ғойиб бўлди”. Бу Сатурн ва Ернинг ўзаро жойлашуви туфайли юзага келадиган иккита “йўқолиш”нинг биринчиси ҳисобланади. Бу ҳақда ҳақда “РИА Новости” агентлигига Қадар обсерваторияси ва “Астровертлар” астрофермаси илмий раҳбари Стас Короткий хабар берган.
“23 март куни Сатурн ҳалқаларининг бу йилги биринчи йўқолиши содир бўлди. Ердаги кузатувчилар Сатурн ҳалқалари билан бир хил текисликда жойлашди ва ҳозир уларни фақат қирраси билан кўриш мумкин. Сайёра ҳалқаларининг қалинлиги атиги 30 метр, диаметри эса 300 минг километрни ташкил этади. Бунда Ердан Сатурнгача бўлган масофа тахминан 1,3 миллиард километр. Шу сабабли, ҳатто катта телескоп орқали кузатилганда ҳам улар ерликлар учун кўринмайди. Ушбу ҳодиса 15 йилда бир марта кузатилади”, дейди Короткий.
Таъкидланишича, ҳалқалар иккинчи марта 26 ноябрь куни “йўқолади”.
“Баҳорда “йўқолиш”ни кузатиш имкони бўлмайди, чунки Сатурн ҳозир Қуёшга яқин жойлашган. Кузда эса ҳалқаларнинг “йўқолиши”ни яхши кўринишда кузатиш мумкин. Яъни, уни яхши катталаштирилган телескоп орқали кўриш мумкин бўлади”, дейди Стас Короткий.
Изоҳ (0)