Ёвуз қаҳрамон билан бир қаторда комедик образларни ҳам қойилмақом тарзда ижро этган актёр ва актрисалар (фото)

Комедия актёрлар учун энг қийин жанр деган фикр бор. Уларнинг айтишича, драматик фильмларда муваффақият қозонган актёр ҳам томошабинни кулдиришнинг уддасидан чиқолмаслиги мумкин. Лекин қуйидаги актёрлар ёвуз қаҳрамонларни ҳам, ақл бовар қилмайдиган кулгили образларни ҳам ишончли тарзда ўйнашган.

Эмма Стоун

Фильм бош қаҳрамони Круэлла томошабинлар меҳрини қозонган. Аммо бу қаҳрамоннинг ёвуз одам экани ҳақиқатини ўзгартирмайди, у йўлида бошқалар бўлишини хоҳламайди. Эмма Стоуннинг бу роли таҳсинга лойиқ. Бироқ актриса қувноқ қизларни осонгина гавдалантиради. Мисол учун, у карьерасининг бошида “Ўтмишдаги арвоҳлар” романтик комедиясида ярамас ва ўткир тилли Allison ролини ўйнаган.

Алан Рикман

Алан Рикманнинг энг машҳур образи, албатта, Поттер сериалидаги Северус роли. Гарчи франшизанинг якуний қисмида қаҳрамон ёмон одам эмаслиги маълум бўлса-да, олдинги барча фильмлар томошабинларга бунинг аксини айтади. Рикман ҳам кулгили персонажларни қойилмақом ўйнаган — у “Галактикани излаб” илмий-фантастик комедиясида ўзга сайёралик ролини ижро этган.

Жулианна Мур

Жулианна Мур “Еттинчи ўғил” фантастик фильмида кучли жодугар ролини жуда ишонарли ўйнаган. Гарчи фильм тижорий муваффақиятга эришмаган бўлса-да, танқидчилар актрисанинг ижросини жуда юқори баҳолайди. У комедик қаҳрамонларини совуққонлик билан тасвирлайди. “Катта Лебовски” култ фильмидаги эксцентрик рассом образидаги Мурни унутиб бўлмайди.

Мелисса Маккарти

Кўплаб машҳур актрисалар денгиз жодугари Урсула ролига даъвогарлик қилишган, аммо бу рол беқиёс Мелисса Маккартига насиб қилади. Актриса бу вазифани 100 фоиз уддалайди — ёвуз қаҳрамон образи учун у “Сатурн” мукофотига номзод бўлади. Актрисанинг комедик образлари ҳам танқидчилар томонидан юқори баҳоланган. Мисол учун, “Жосус” фильмидаги роли учун Мелисса Peopleъс Choice мукофотига сазовор бўлади.

Рис Иванс

“Аждаҳо уйи” сериалидаги Иванснинг қаҳрамони — қиролнинг ўнг қўли бўлиб, у ўз набирасини тахтга ўтқизиш ниятида тахтнинг ҳақиқий меросхўрини четлаб ўтади. Мазкур маккор характерни “Менинг қаттиққўл энагам 2” комедиясидаги бесўнақай Фил билан солиштириш қийин. Аммо “Тахтлар ўйини” приквелидан 17 йил олдин Рис мазкур ролни ижро этган.

Шарлиз Терон

Оппоғойнинг ўгай онасини турли хил актрисалар ўйнаган, аммо улар орасида Шарлиз Тероннинг ижроси энг қўрқинчли образ бўлиб чиқди. Гап 2012 йилда суратга олинган “Оппоғой ва овчи” фильми ҳақида кетмоқда. Актрисанинг мазкур ижроси танқидчилар томонидан ҳам юқори баҳоланади: Шарлиз Теен Choice мукофотига сазовор бўлади. Икки йил ўтгач, актриса “Жинни бўлишнинг миллион йўли” комедиясидаги ролини аъло даражада бажаради ва турли мукофотларга номзод бўлади.

Салма Хаек

Салма Хаекнинг илон билан рақсга тушиши ҳақидаги “Тундан тонггача” фильмидаги машҳур саҳнани ҳатто фильмни томоша қилмаганлар ҳам билади. Фильмда у Сантанико Пандемониум исмли тажовузкор мавжудотни ўйнайди. “Мафтункор хўжайинлар” комедиясида Салманинг қаҳрамонини ҳам яхши одам деб бўлмайди, чунки у инсофсиз ишбилармон аёл. Аммо бу даҳшатли эмас, балки жуда кулгили образ.