Қизиқарли ва хавфли космик саргузаштлар, шахсий муносабатлар ва глобал миқёсдаги муаммолар, Ердан ташқари цивилизациялар билан тўқнашувлар ва коинотни ўрганишнинг илмий жиҳатлари — қуйидаги фильмлар мавзуси билан боғлиқ. Аммо бу фильмларнинг ҳар бири масалага бошқача қарашга имкон беради ва қисқа вақт ичида космик тадқиқотларнинг сирли оламига шўнғиш имкониятини тақдим этади.
“Чексизлик сари”, 2016
Мортен Тилдумнинг “Чексизлик сари” фильми янги сайёрага саёҳат 120 йил давом этиши сабабли сунъий қиш уйқуда бўлган 5000 дан ортиқ ерликларни ташиши керак бўлган “Avalon” фазовий кемаси ҳақида ҳикоя қилади. Тўсатдан кема тизими ишламай қолади ва йўловчилардан бири бўлган механик Жим Престон (Крис Пратт) уйғонади. Ўзининг аянчли аҳволини англаб (манзилга етиб боришга ҳали 90 йил бор), у аста-секин ақлдан озишни бошлайди. Шундан кейин у бошқа йўловчи (Женнифер Лоуренс)ни уйғотишга қарор қилади ва ёшлар ўртасида муҳаббат пайдо бўлади.
Драматик сюжетли бурилишлар, лойиҳа муаллифлари томонидан кўтарилган ахлоқий муаммолар, актёрлик ва режиссёрлик маҳорати туфайли мазкур фильм жамоатчилик томонидан юқори баҳоларга сазовор бўлди ва баъзи техник номувофиқликларга қарамай, ўз мавзусида ҳамон машҳур картина ҳисобланади.
“Марслик”, 2015
Ридли Скоттнинг “Марслик” фильми 2015 йилда суратга олинган бўлиб, бир зумда омма эътирофи ва меҳрини қозонган. Сюжет маркази Марсга тадқиқот экспедициясининг бир қисми сифатида юборилган астронавт Марк Уотнининг ҳаётига бағишланган. Бироқ операция режадагидек кетмайди ва Уотни бегона сайёрада ёлғиз қолишга мажбур бўлади.
“Марслик” Ридли Скотт фаолиятидаги энг муваффақиятли фильмлардан бирига айланди. Кўплаб юқори баҳоларга сазовор бўлди — бир қатор нуфузли мукофотлар ва номинациялар, жумладан “Олтин глобус” ва “Оскар” билан тақдирланди.
“Гагарин”, 2013
Рус фильми “Гагарин. Космосда биринчи” фильми Юрий Гагариннинг тақдири ва унинг коинотга илк парвози ҳақида ҳикоя қилади — космонавт оиласи иштирокида яратилган картинада унинг болалик даври, парвозга тайёргарлик жараёни тасвирланган. Шунингдек, космонавт ва унинг рафиқаси ўртасидаги муносабатлар ва Гагариннинг “Восход-1” кемасида ўтказган хотиралари билан боғлиқ кескин муҳит ҳам томошабинларни бефарқ қолдирмайди.
Фильм кассада унчалик катта муваффақиятга эриша олмаганига қарамай, ўз томошабинларини топди ва танқидчилар томонидан юқори баҳоланди.
“Гравитация”, 2013
Алфонсо Куароннинг “Гравитация” драматик техно-триллери 2013 йилнинг асосий кино воқеаларидан бирига айланди. Фильм танқидчилардан юқори баҳо олди ва қўшимча равишда еттита “Оскар” мукофотига сазовор бўлди. Фильм ҳалокат билан якунланган одатий космик экспедиция ҳақида ҳикоя қилади — натижада фақат икки космонавт тирик қолади, улар ўз ҳаётини сақлаб қолиш учун ақл бовар қилмайдиган ишларни қилишлари керак.
Асосий (ва ягона) ролларни Сандра Буллок ва Жорж Клуни ўйнаган — уларнинг актёрлик маҳорати кино мутахассислари ва жамоатчилик томонидан юқори баҳоларга сазовор бўлди. Драматик сюжет ва пухта режиссёрлик иши лойиҳага етакчи ўринни эгаллашга ва энг яхши роллардан бирига айланишига имкон берди.
“Интерстеллар”, 2014
Режиссёр Кристофер Нолан томонидан суратга олинган “Интерстеллар” илмий-фантастик картинаси ўз жанридаги энг машҳур фильмлардан бирига айланди. Фильм томошабинга яқин келажак ҳақида ҳикоя қилади, унда Ер аҳолиси озиқ-овқат инқирози ва бошқариб бўлмайдиган табиий офатларга дуч келади. НАСАнинг собиқ учувчиси Жозеф Купер бошчилигидаги бир гуруҳ тадқиқотчилар яшашга яроқли сайёрани топиш ва инсониятни қутқариш учун фазо ҳамда вақт минтақаларини боғлайдиган туйнук бўйлаб хавфли саёҳатга отланади.
Жамоатчилик ва танқидчиларнинг фикрига кўра, фильм ҳақиқатан ҳам ажойиб бўлиб, бу нафақат 678 млн долларлик касса тушумлари, балки бир нечта мукофот ва номинациялар — “Оскар”, BAFTA, “Сатурн”, “Олтин глобус”, “Спутник” билан ҳам тақдирланади.
“2001: Космик Одиссей”, 1968
Стенли Кубрикнинг инглиз ёзувчиси ва олими Артур C. Кларкнинг “Вақт бўйлаб” ҳикоясига асосланган илмий-фантастик фильми 1968 йилда экранларга чиқди. Сюжет марказида инсон ва сирли космик артефактлар ўртасидаги ўзаро таъсир туради. Аммо бу нарсалар кутилмаган оқибатларга олиб келади ва инсон ҳаётининг йўналишини ўзгартиради.
Бир қатор нуфузли кино мукофотлари, жумладан, BAFTA ва “Оскар”га сазовор бўлган фильм режиссёрнинг энг муваффақиятли ва машҳур асарларидан бирига айланди, илмий фантастика жанридаги энг ёрқин лойиҳалардан бири номини олди.
“Солярис”, 1972
Совет режиссёри Андрей Тарковский муаллифлигидаги “Солярис” драмаси 1972 йилда чиқарилган — Станислав Лемнинг худди шу номли романи асосидаги фильм таниқли кино дурдонаси ҳисобланади ва ҳозирги кунгача ўз аҳамиятини йўқотмаган. Фильм воқеалари келажакда содир бўлади — бир гуруҳ олимлар олисдаги Солярис сайёрасини ўрганмоқда, аммо тадқиқот кутилмаган бурилишга учраб, ерликлар учун бутунлай бошқача ҳақиқатни очиб беради.
Фильм танқидчиларнинг олқишига сазовор бўлиб, Канн халқаро кинофестивалида ҳакамлар ҳайъатининг махсус бош мукофотига сазовор бўлган.
“Аполлон-13”, 1995
Америкалик кинематограф Рон Ховарднинг “Йўқолган ой” китоби асосида суратга олинган “Аполлон-13” фильми 1995 йилда экранларга чиқади. Фильмда 1970 йилнинг реал воқеалари тасвирланган – “Аполлон-13” космик кемасидаги астронавтлар жамоаси Ойга учади, лекин кутилмаган ҳолатларга дуч келади, бу нафақат муваффақиятли қўнишга тўсқинлик қилади, балки парвоз иштирокчиларининг хавфсизлиги ва ҳаётига ҳам хавф туғдиради.
Изоҳ (0)