Saturn halqalari 23-mart kuni butunlay “ko‘zdan g‘oyib bo‘ldi”. Bu Saturn va Yerning o‘zaro joylashuvi tufayli yuzaga keladigan ikkita “yo‘qolish”ning birinchisi hisoblanadi. Bu haqda haqda “RIA Novosti” agentligiga Qadar observatoriyasi va “Astrovertlar” astrofermasi ilmiy rahbari Stas Korotkiy xabar bergan.
“23-mart kuni Saturn halqalarining bu yilgi birinchi yo‘qolishi sodir bo‘ldi. Yerdagi kuzatuvchilar Saturn halqalari bilan bir xil tekislikda joylashdi va hozir ularni faqat qirrasi bilan ko‘rish mumkin. Sayyora halqalarining qalinligi atigi 30 metr, diametri esa 300 ming kilometrni tashkil etadi. Bunda Yerdan Saturngacha bo‘lgan masofa taxminan 1,3 milliard kilometr. Shu sababli, hatto katta teleskop orqali kuzatilganda ham ular yerliklar uchun ko‘rinmaydi. Ushbu hodisa 15-yilda bir marta kuzatiladi”, deydi Korotkiy.
Ta’kidlanishicha, halqalar ikkinchi marta 26-noyabr kuni “yo‘qoladi”.
“Bahorda “yo‘qolish”ni kuzatish imkoni bo‘lmaydi, chunki Saturn hozir Quyoshga yaqin joylashgan. Kuzda esa halqalarning “yo‘qolishi”ni yaxshi ko‘rinishda kuzatish mumkin. Ya’ni, uni yaxshi kattalashtirilgan teleskop orqali ko‘rish mumkin bo‘ladi”, deydi Stas Korotkiy.
Izoh (0)