30 яшар британиялик хонанда Зиба Келли вокал қобилияти билан эмас, Disney маликаси Рапунселга ўхшашлиги билан машҳурликка эришди.
Болалигида аксарият қизлар сингари оддий турмак билан юрган қиз 17 ёшида сочини ўстиришга қарор қилган.
Сочлари бағоят тез, ойига деярли 5 сантиметрдан ўса бошлаган. Узунлиги товонига етганидан кейин сочларини кесмасликка қарор қилган.
Бугунги кунда бўйи 160 см бўлган қизнинг сочи 182 см ташкил қилади. Зиба ерга судралиши сабаб ҳам кўчага камдан кам ҳолларда сочини ёйиб чиқиши, эскалатор ҳақида эса гап ҳам бўлиши мумкинмаслигини таъкидлайди.
Келли боши ва бел оғриғидан азият чекиши, сочларини ювганидан кейин эса кўпроқ қийналишини маълум қилади. Чунки нам сочлар деярли 2 кг оғирликда бўлади.
Сочларини ювиш ва қуритиш учун 1 ярим соат, бутун узунлиги бўйлаб тараш учун эса 1 соат вақт керак бўлади. Турли қийинчиликлар келтириб чиқаришига қарамай, бунга кўниккан қиз сочлари кестиришни истамайди.
Изоҳ (0)