“Ливерпуль” ҳужумчиси Муҳаммад Салоҳ жорий мавсум Англия Премьер Лигасида қайси жамоани чемпионликка асосий даъвогар деб билишини айтди. Бу ҳақда DailyAFC нашри хабар берди.
Журналистлардан бири мисрлик футболчидан “Арсенал” ҳақида фикрини сўраганида, Салоҳ очиқчасига “канонирлар”ни чемпионлик учун энг асосий фаворит деб ҳисоблашини маълум қилган:
Сизнинг жамоангиз бу мавсумда жуда яхши ўйнамоқда. Чемпионлик учун ажойиб имкониятларингиз бор. Менимча, “Арсенал” фаворит, чунки жамоа таркибидаги кўплаб футболчилар сўнгги беш йилдан бери бирга ўйнашяпти. Улар бир-бирини яхши тушунади, — дея таъкидлаган Салоҳ.
🗣️ Mohamed Salah on Arsenal: “I think you have a great team this season. You have a really good chance. I think you are FAVOURITES now because you have players that have been together for five years.” 🤯🏆
— DailyAFC (@DailyAFC) August 19, 2025
pic.twitter.com/jA8kw9ZFw2
Эслатиб ўтамиз, 33 ёшли Муҳаммад Салоҳ ўтган мавсум “Ливерпуль” билан Англия Премьер Лигаси чемпионига айланган эди. У мусобақанинг энг яхши тўпурари ҳамда энг кўп голли узатма берган футболчиси бўлган. Ўтган ҳафта эса Салоҳ Англия Профессионал футболчилар ассоциацияси томонидан “Йил футболчиси” совринига лойиқ деб топилди.
Изоҳ (0)