Иқтисодий тадқиқотлар ва ислоҳотлар маркази 2025 йилнинг февраль ойидаги Ўзбекистон автомобиль бозорини таҳлил қилиш натижаларини тақдим этди.
Унда автомобиль бозоридаги асосий тенденциялар ва ўзгаришлар қайд этилган.
Бирламчи автомобиль бозоридаги вазият
Ҳозирги шароитда енгил автомобиллар бозорида сотувларнинг умумий пасайиши кузатилмоқда, бу асосан хорижий автомобиль сегментидаги фаолликнинг пасайиши билан боғлиқ.
Февраль ойида енгил автомобиллар савдоси ўтган ойга нисбатан 14,5 фоизга камайди ва 67,2 мингта автомобилни ташкил этди.
Ой давомида маҳаллий ишлаб чиқарилган янги автомобиллар сотуви деярли ўзгармаган ва 21,7 минг дона автомобилни ташкил этган бўлса, янги хорижий автомобиллар сегментида сотувлар 2 баробардан ортиқроққа камайди.
Автомобильларнинг иккиламчи бозори
Енгил автомобилларнинг иккиламчи бозоридаги вазият ҳам фаолликнинг пасайиши билан тавсифланади.
Февраль ойида сотувлар 43,3 минг дона автомобилни ташкил этиб, жорий йилнинг январига нисбатан 16 фоизга камайган.
Электр автомобиль бозорининг динамикаси
Янги енгил электромобиллар сегменти фаолликнинг пасайишини кўрсатмоқда. Февраль ойида сотувлар 2,9 мингта электромобилни ташкил этди, бу ўтган ойга нисбатан 11 фоизга кам, ўтган йилнинг шу даврига нисбатан эса фаоллик икки баравардан кўпроқ ошди.
МҲТИ мутахассисларининг иккиламчи автомобиль бозори бўйича аввалги таҳлили
2024 йилнинг ноябрь ойида ўртача фойдаланилган маҳаллий оммабоп автомобиллар ҳамда хорижий люкс автомобиллар ўртача нархлари пасайган бўлса, маҳаллий люкс ва электромобиллар нархларида сезиларли ўзгариш кузатилмади. 2024 йил декабрь ойида иккиламчи автомобиль бозорида фаоллик пасайишда давом этди ва бу ўртача нархларда ўз аксини топганди. 2025 йилнинг январида Ўзбекистон иккиламчи автомобиль бозорида январь ойида пасайиш давом этди. Маҳаллий оммабоп автомобиллар нархи 2024 йилнинг декабрь ойидагига нисбатан арзонлашди.
Изоҳ (0)