Июль ойида “Барселона”нинг иқтидорли футболчиси Ламин Ямал 18 ёшни қаршилайди ва шу пайтдан бошлаб у автомобиль бошқариш ҳуқуқига эга бўлади. Футболчи Испания терма жамоасининг март ойидаги ўйинларидан олдин АС нашрига интервью берди.
Ямал интервьюда ўзига “Реал” асосий ранги бўлган оқ рангдаги машинани ҳеч қачон сотиб олмаслигини айтди.
– 13 июль куни 18 ёшга тўласиз. Ҳайдовчилик гувоҳномаси олиш учун ҳаракат қиляпсизми?
– Ҳа, ҳозирдан тайёргарлик кўряпман. Автомактабга бормоқчиман. Ҳозирги кунда назарий имтиҳонга тайёрланяпман. Биринчи уринишдаёқ имтиҳондан ўта оламан деб умид қиламан.
– Сизнинг ёшингиздаги йигит қандай машинани орзу қилади?
– Билмадим, ҳозир ҳеч қандай бренд номини айтолмайман.
– Ранги-чи? Оқ бўлиши мумкинми?
– Оқ? Йўқ, бу рангни танламаслигим аниқ. Нега эканлигини ҳамма яхши билади.
Маълумот учун Ламин Ямал жорий мавсум Испания чемпионати доирасидаги 25 та учрашувда майдонга тушиб, 6 гол ва 11 ассист муаллифига айланган. Унинг каталонияликлар билан шартномаси 2026 йилга қадар амал қилади.
Изоҳ (0)