Тошкент вилоятида Lexus ҳайдовчиси катта тезликда келиб, йўл четида турган машина ва пиёдани уриб юборди. Бу ҳақда вилоят ЙҲХБ маълум қилди.
Унга кўра, ҳодиса 4 март куни соат 12:40 ларда Тошкент тумани ҳудудидан ўтган М39 Алмати-Бишкек-Тошкент-Шаҳрисабз-Термиз автомобиль йўлининг 812 кмда содир бўлган.
2005 йилда туғилган А.С Таёта Lexusъини бошқариб кетаётган вақтида рул бошқарувини йўқотиб, йўл четидаги ҳаракатсиз турган Nexia ва ушбу автомобиль ёнида турган пиёда 1960 йилда туғилган фуқоро Ш.Ш ни уриб юбориб, йўл-транспорт ҳодисаси содир этган.
Ушбу йўл-транспорт ҳодисаси натижасида пиёда турли хилдаги тан жароҳатлари олиб, туман марказий шифоҳонасига ётқизилган.
Ҳозирда ҳолат юзасидан Тошкент тумани ИИБ Тергов бўлими томонидан Жиноят кодексининг 266-моддаси 1-қисмига кўра жиноят иши қўзғатилган бўлиб, тергов ҳаракатлари олиб борилмоқда.
Март ойида содир бўлган ЙТҲлар
Жиззахда 13 март куни рулда ухлаб қолган Matiz ҳайдовчиси юк машинасига урилиши оқибатида ҳалок бўлганди. 12 март куни Тошкентда дарахтга урилган Lacetti пачоқланиб кетди. 7 март куни Навоийда Damas ва Cobalt тўқнашиши оқибатида бир киши жароҳатланди. 17 март куни соат 06:30 ларда Тошкент—Бекобод автомобиль йўлида ҳаракатланиб кетаётган юк машинаси (дастлабки маълумотга кўра ҳайдовчиси ухлаб қолиши натижасида) қарама қарши йўналишга чиқиб кетиб, Isuzu автомобили билан тўқнашган.
Изоҳ (0)