Жорий йилда Mercedes-Benz компанияси автомобилларни ишлаб чиқариш бўйича мутлақо ўзгача ёндашувни илгари суришга қарор қилди. Бундан аввал компания аввалига бензинли моделдаги автомобилларни ишлаб чиқариб, сўнг уларни электрлаштиришни йўлга қўяр эди. Эндиликда компания янги CLА автомобилини биринчи бўлиб электр версиясида, кейин эса гибрид модификацияда тақдим этишни лозим топди.
Янги CLА кўплаб функцияларга эга MMA (Mercedes Modular Architecture) платформасига асосланган бўлиб, “биринчи навбатда электромобиллар” тамойили остида ишлаб чиқилган. Бундай метод Mercedes компаниясига ишлаб чиқариш харажатларини камайтиради ва харидорларга бир кузовда электр, гибрид ёки бензинли двигателлар ўртасида танлов таклиф қилиш имконини беради.
“Биз ишлаб чиқарилаётган машиналарнинг аксарият қисмини электрлаштиришга интиляпмиз, аммо 2025 йилда бу 100% кўрсаткични ташкил этмаслиги аниқ. Бизда асосан дуализм устунлик қилади”, дейди Mercedes-Benz Group бош директори Ола Каллениус Штутгартда бўлиб ўтган тақдимотда.
Янги CLА ўзининг масофа босиб ўтиш захираси билан ҳайратда қолдиради. Унинг аккумулятори 85,5 кВт/соат қувватга эга бўлиб, WLTP стандарти бўйича тахминан 790 километр масофа босиб ўтилишни таъминлайди. Унинг ёнилғи самарадорлиги 560 километрни ташкил қилса-да, CLА автомобили Tesla билан биргаликда бозордаги етакчи автомобиллар рўйхатига кириши башорат қилинмоқда.
Mercedes-Benz CLА электромобилида ОнеБох деб номланган янги тормоз тизими жорий этилган. Ушбу тизимда илгари алоҳида бўлган компонентлар, масалан, тормоз кучайтиргичи, бош тормоз цилиндри ва ECP назорати, битта ихчам модулга бирлаштирилган. Бу ечим тормоз энергиясини рекуперация қилиш (тормозлаш пайтида энергияни қайта тиклаш)ни оптималлаштириб, электр юриш захирасини максимал даражада оширишга ёрдам беради.
OneBox тизими тормозлаш пайтида рекуперациядан гидравлик тормоз тизимига ўтишда силлиқ ва тезкор реакцияларни таъминлайди. Бу эса ҳайдаш тажрибасини яхшилайди ва самарадорликни оширади.
Ушбу инновацион тормоз тизими Mercedes-Benz’нинг янги Mercedes Моdular Architecture (MMA) платформасида ишлаб чиқилган бо”либ, келажакдаги электр транспорт воситаларида ҳам қўлланилиши кутилмоқда.
Шунингдек, Mercedes-Benz CLА электромобили замонавий зарядлаш технологиялари билан жиҳозланган, у қулай ва тезкор зарядлаш имкониятларини тақдим этади. 250 кВт қувватли DC зарядлаш станциясида, атиги 10 дақиқалик зарядлаш орқали 300 километргача масофани босиб ўтиш учун етарли энергия олиш мумкин.
Mercedes-Benz CLА электромобилининг борт қисмида “Суперсcреен” деб номланган кенг сенсорли экран мавжуд бўлиб, у йўловчиларга видео ўйинлар ўйнаш ёки Netflix томоша қилиш имконини беради. Бу тизим Mercedes-Benz’нинг янги МБ.ОС операцион тизими асосида ишлайди.
Агар машина ҳаракатланаётган бўлса, ўйин ўйнаш ёки видео томоша қилиш фақат йўловчилар учун мавжуд бўлади, ҳайдовчи учун эса хавфсизлик нуқтаи назаридан бундай функция блокланади.
Mercedes-Benz ушбу ўйин функциясини булут технологияси орқали қўллаб-қувватлайди, бу эса реал вақтда ўйинларни юклаб олиш ва ўйнаш имконини яратади.
Электр CLА (базавий версия wитҳ EQ Technology CLА 250+ деб аталади) биринчи ўринда Хитой ва Европада пайдо бўлади ва 2025 йилнинг кузида АҚШ бозорларига чиқади.
Mercedes янги CLА нархини ҳали эълон қилгани йўқ, бироқ жорий иқтисодий шароит ва кенгайтирилган функцияларни ҳисобга олган ҳолда, янги электромобиль нархи 30 минг доллардан бошланган аввалги моделдан қимматроқ бўлиши кутилмоқда.
Изоҳ (0)