Навоий шаҳрида пойга уюштирган йигитлар йўл-транспорт ҳодисасига учради, деб хабар бермоқда ЙҲХХ ахборот хизмати.
Маълум қилинишича, шаҳар кўчалари бўйлаб ўзаро пойгалар уюштириб, йўл қоидаларини бузиб келаётган йигитлар Ислом Каримов кўчасида ЙТҲ келтириб чиқарди. Улардан бири аввал ҳам қоидабузарлик содир этиб, профилактик суҳбатга чақиртирилган бўлган.
Ушбу ҳодисада тан жароҳати олганлар йўқлиги айтилмоқда. Айни пайтда машиналар жарима майдонига жойлаштирилган. Ҳолат юзасидан Кармана тумани ЙҲХБ томонидан терговга қадар суриштирув ҳаракатлари олиб борилмоқда.
“Сал қолишига сал қолди. Бўлди, бошқа пойга ўйнамайман”, дейди йигитлардан бири.
Март ойида содир бўлган ЙТҲлар
Жиззахда 13 март куни рулда ухлаб қолган Matiz ҳайдовчиси юк машинасига урилиши оқибатида ҳалок бўлганди. 12 март куни Тошкентда дарахтга урилган Lacetti пачоқланиб кетди. 7 март куни Навоийда Damas ва Cobalt тўқнашиши оқибатида бир киши жароҳатланди. 17 март куни соат 06:30 ларда Тошкент—Бекобод автомобиль йўлида ҳаракатланиб кетаётган юк машинаси (дастлабки маълумотга кўра ҳайдовчиси ухлаб қолиши натижасида) қарама қарши йўналишга чиқиб кетиб, Isuzu автомобили билан тўқнашган.
Шунингдек, Тошкентда Lexus ҳайдовчиси катта тезликда келиб, йўл четида турган машина ва қарияни уриб юборганди.
Изоҳ (0)