“Реал” УЕФА Чемпионлар Лигаси 1/8 финал доирасидаги баҳсда Мадриднинг бошқа бир жамоаси “Атлетико”ни мағлуб этиб, чорак финал йўлланмасига эга чиққач, Винисиус Жуниорнинг ижтимоий тармоқдаги саҳифасида қолдирган изоҳи шов-шувларга сабаб бўлди.
Футболчи ўзининг Х’даги (собиқ Twitter) саҳифасида Мадридда ягона жамоа борлигини айтди.
Мадридда ягона жамоа бор! Бу қайси клуб эканлигини ҳаммамиз биламиз. Ўз устимизда ишлашда давом этишимиз ва кейинги ўйинларда янада яхшироқ ўйнашга ҳаракат қилишимиз керак! Дунёнинг энг буюк клубининг бир қисми бўлиш ажойиб туйғу!, деб ёзди бразилиялик футболчи.
“Реал” 12 март куни 1/8 финал доирасида “Атлетико”га қарши баҳс олиб борди. Жавоб ўйини 1:0 ҳисобида рақиб фойдасига якунланган бўлса-да, умумий ҳисобда тенглик эди (биринчи ўйин 2:1, “Реал” ғалабаси). Ғолиб номи пенальтилар сериясида аниқланди ва “қаймоқранглилар” 4:2 ғалаба қозониб, кейинги босқичга йўл олди.
Маълумот учун, бразилиялик футболчи жорий мавсум 38 учрашувда майдонга тушиб, 18 та гол ва 11 та голли узатма қайд этди.
Изоҳ (0)