Ташқи ишлар вазирлиги матбуот котиби АҚШдаги ўзбекистонликларни огоҳлантирди. Келтирилишича, Ўзбекистоннинг Нью Йорк шаҳридаги Бош консулхонаси мурожаат билан чиққан. Унда 2020 йил 1 январдан бошлаб эски намунадаги паспортлар (нобиометрик) ўз кучини йўқотгани таъкидланган.
Шу муносабат билан муддати ўтган ёки ўтмаган эски намунадаги паспорт эгалари Ўзбекистоннинг АҚШдаги ваколатхоналари (элчихона ва консулхона) орқали ватанга қайтиш учун Ўзбекистонга қайтиш гувоҳномасини расмийлаштириши керак экани айтилди.
АҚШдан депортация масаласи
Коста Рика Ўзбекистон, Қозоғистон, Қирғизистон, Покистон ва Ҳиндистон каби давлатларнинг АҚШдан депортация қилинган 200 нафар фуқаросини қабул қилишга рози бўлганди. Аҳрор Бурҳонов дипломатик ваколатхоналар Ўзбекистоннинг барча фуқароларига, улар қаерда бўлишидан қатъи назар, ҳар томонлама ёрдам кўрсатишини айтганди.
Ўзбекистоннинг Вашингтондаги элчихонаси ва мамлакатнинг Нью Йоркдаги Бош консулхонаси узоқ йиллардан буён Ўзбекистон фуқароларининг ўз ватанларига хавфсиз депортациясини таъминлаш мақсадида АҚШнинг тегишли ҳуқуқ-тартибот идоралари билан яқиндан ҳамкорлик қилиб келмоқда. Ўзаро келишувларга асосан, Америка томони депортация қилинадиган фуқароларининг ҳар бир ҳолати ҳақида тезкорлик билан хабардор қилади. Ўрнатилган амалиётга кўра, фуқаролар ватанга Нью Йорк—Тошкент йўналиши орқали қайтади.
АҚШ 970 дан ортиқ Ўзбекистон фуқаросини депортация қилади
Депортация қилинадиган Ўзбекистон фуқаролари сони 975 кишини ташкил этмоқда. Умумий ҳисобда, турли давлатлардан 1 445 549 нафар чет эл фуқароси чиқариб юборилади. Улар ҳибсга олинмаган, бироқ депортация қилиш бўйича якуний қарор қабул қилинган. Рўйхатда Марказий Осиё давлатлари орасида Қозоғистон (369), Қирғизистон (319), Тожикистон (149) ва Туркманистон (40) фуқаролари ҳам бор.
Изоҳ (0)