Uzbekistan’s club жамоаси ўзининг яна бир йирик лойиҳаси — Uzbekistan’s club жилокор журналининг иккинчи сонини тез орада тақдим қилади. Замонавий ва ўзига хос услубга эга ушбу журнал ўз анъаналарига содиқ қолган ҳолда янги трендларни яратишни мақсад қилган.
Журналнинг вазифаси — замонавий ўзбекистонликнинг янги қиёфасига намуна бўлаётган шахслар ва уларнинг образларини тарғиб қилиш. Ўзбекистонликларни битта майдон остида бирлаштиришни мақсад қилган Uzbekistanъс cлуб жамоаси буни журнал орқали ҳам етказиб беришни мақсад қилган.
Мақсади якдил — Ўзбекистонни дунёга танитиш, керак бўлса бутун дунёда унинг афсонавий имижини яратиш. Шу маънода журнал ҳам “Одамлар, орзулар ва афсоналар” шиори остида чоп этилган. Журналнинг бу галги сони ҳам ўзбекистонликлар образи орқали энг актуал трендлар ҳақида сўзлайди.
Журналнинг иккинчи сони Ўзбекистонлик лойиҳасининг АҚШ мавсуми доирасида тайёрланган бўлиб, унинг асосий фокуси ўзбекистонлик аёллар, инсон капитали, интеллектуал жамият мавзуларига қаратилади. Журналнинг бу галги сони учун олинган махсус фотосессиясида эса ўрта асрларда ва яқин ўтмишдаги Европанинг энг юксак санъат асарлари Uzbekistan’s club креатив талқинида тақдим этилади.
Журналнинг бу галги сонида сиёсат арбоблари, замонамизнинг муҳим шахслари, медиа резидентлар ва Uzbekistan’s club лойиҳаларини қўллаб-қувватлаётган ҳамкорлари қиёфалари ҳам акс эттирилган.
Ўзбекистон маҳаллалари уюшмаси раиси Қаҳрамон Қуронбоев, АҚШнинг Ўзбекистондаги элчиси Жонатан Ҳеник, Ўзбекистоннинг АҚШдаги элчиси Фурқат Сидиқов, Болалар омбудсмани Сурайё Раҳмонова, Журналистика ва оммавий коммуникациялар университети ректори Шерзоджон Қудратхўжа шулар жумласидан.
Ўзбек спортининг афсонаси Оксана Чусовитина, жамоатчилик фаоллари медиа резидентлар Ҳикмат Абдураҳмонов, Отабек Бакиров, Шаҳноза Соатова ва АҚШда муваффақиятга эришган ўзбекистонлик ватандошларимиздан иборат жамоа ушбу журналнинг асосий қаҳрамонлари сифатида гавдаланишган.
Экология, инсон капитали, муваффақиятли бизнес, маданият, кино, мусиқа, адабиёт, психология ва замонавий мода каби мавзуларга бағишланган чиқишлар журналнинг бугунги кунда трендга айланган ҳодисаларни ўзида жамлашга кўмаклашган.
Uzbekistan’s club журнали йилига икки марта ўзбек ва инглиз тилларида чиқади. Журнал бепул равишда Тошкентдаги гавжум жамоат жойларида, қолаверса, хорижий мамлакатларда дипломатик ваколатхоналар орқали тарқатилади.
Изоҳ (0)