Ўзбекистонлик MMA жангчиси Нурсултон Рўзибоев UFC промоушенидаги навбатдаги жангини 12 май санасида ўтказди.
Рўзибоев АҚШдаги UFC Fight Night турнирида Хоакин Баклига қарши октагонга кўтарилди.
Биринчи раундда ўзбекистонлик жангчи масофадан ишлашига тўғри келди. Хоакин 2 марта тейкдаунни амалга оширди. Иккинчи раундда ҳам деярли биринчисидагидек сценарий такрорланди. Учинчи раундда эса Нурсултон бир неча қийин вазиятлардан чиқиб кетишга муваффақ бўлди.
Уч раунд якунига кўра Хоакин Бакли очколар эвазига ғалаба қозонди.
Эслатиб ўтамиз, Нурсултон 2023 йилнинг 2 июль куни UFC’даги дебютини ўтказганди. У бразилиялик енгилмас жангчи Бруно Феррейрани (10-1) биринчи раунддаёқ нокаут билан мағлуб этди. Промоушендаги иккинчи жангида эса Седрик Дюма (9-2) таслим этилганди.
Изоҳ (0)