АҚШдан депортация қилинган 7 нафар ўзбекистонлик ватанга қайтарилди, деб хабар бермоқда Ташқи ишлар вазирлиги матбуот котиби.
Маълум қилинишича, АҚШ томони билан олиб борилган музокаралар натижасида Коста Рикага юборилиши режалаштирилган, лекин Ўзбекистонга қайтиш ниятида бўлган 7 нафар фуқаро 24 февраль куни Нью Йорк—Тошкент йўналиши бўйича Ўзбекистонга етиб келди.
Ўзбекистоннинг Вашингтондаги элчихонаси ва мамлакатнинг Нью Йоркдаги Бош консулхонаси узоқ йиллардан буён Ўзбекистон фуқароларининг ўз ватанларига хавфсиз депортациясини таъминлаш мақсадида АҚШнинг тегишли ҳуқуқ-тартибот идоралари билан яқиндан ҳамкорлик қилиб келмоқда. Ўзаро келишувларга асосан, Америка томони депортация қилинадиган фуқароларининг ҳар бир ҳолати ҳақида тезкорлик билан хабардор қилади. Ўрнатилган амалиётга кўра, фуқаролар ватанга Нью Йорк—Тошкент йўналиши орқали қайтади.
The New York Timesънинг Коста Рика президенти маъмуриятига таяниб маълум қилишича, Коста Рика Ўзбекистон, Қозоғистон, Қирғизистон, Покистон ва Ҳиндистон каби давлатларнинг АҚШдан депортация қилинган 200 нафар фуқаросини қабул қилишга рози бўлди.
“Дипломатик ваколатхоналаримиз Ўзбекистоннинг барча фуқароларига, улар қаерда бўлишидан қатъи назар, ҳар томонлама ёрдам кўрсатади”, дея вазиятга изоҳ берган Аҳрор Бурҳонов “Дунё” ахборот агентлигига берган интервьюсида.
АҚШ 970 дан ортиқ Ўзбекистон фуқаросини депортация қилади
Депортация қилинадиган Ўзбекистон фуқаролари сони 975 кишини ташкил этмоқда. Иммиграция ва божхона хизмати 2024 йил ноябрь ойидаги ҳисоботни тадқим этди. Умумий ҳисобда, турли давлатлардан 1 445 549 нафар чет эл фуқароси чиқариб юборилади. Улар ҳибсга олинмаган, бироқ депортация қилиш бўйича якуний қарор қабул қилинган. Рўйхатда Марказий Осиё давлатлари орасида Қозоғистон (369), Қирғизистон (319), Тожикистон (149) ва Туркманистон (40) фуқаролари ҳам бор.
Изоҳ (0)