Жиззах вилоятининг Зарбдор туманида 18 декабрь куни фуқаро Т.А томонидан жами 19 туп дарахт кесиб кетилди. Бу ҳақда вилоят прокуратура матбуот хизмати хабар берди.
Маълум қилинишича, тумандаги “Кериз” қабристони ҳудудида манзарали бўлган 17 туп паст бўйли қайрағоч ва 2 туп кўк терак дарахтини ноқонуний кесилган.
Оқибатда ўсимлик дунёсига 435 млн 750 минг сўм миқдорда зарар етказилган.
Ҳолат юзасидан вилоят прокуратураси томонидан Жиноят кодексининг 198-моддаси (Экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) билан жиноят иши қўзғатилган бўлиб, тергов ҳаракатлари олиб борилмоқда.
Изоҳ (0)