АҚШнинг сайланган президенти Дональд Трамп ўзини кейинги маъмуриятнинг сиёсати ва кадрлар қарорларига таъсир кўрсатиши мумкин бўлган технологик магнатлар гуруҳи билан ўраб олди. Бу ҳақда NBC News телеканали хабар берди.
Гап Трампнинг учта асосий иттифоқчиси ҳақида кетмоқда. Улардан бири — Илон Маск. Трамп маъмуриятида у бизнесмен Вивек Рамасвами билан биргаликда ҳукумат самарадорлигини ошириш ва бюрократияга қарши кураш бўйича янги агентликка раҳбарлик қилади.
Трамп маъмуриятнинг сунъий интеллект ва криптовалюта соҳасидаги сиёсати учун масъул бўлган лавозимга номзодини кўрсатган тадбиркор ва инвестор Девид Сакс ҳамда инвестор Питер Тил ҳам сайланган президентга яқин бўлган шахслар рўйхатидан жой олган.
Трамп одатда лавозимларга тайинлаш учун сиёсий маълумотга эга одамларни, жумладан, Конгресс аъзолари, республикачи губернаторлар ва унинг сайловолди тарафдорларини танлайди, деб ёзади NBC News.
Шу билан бирга, асосий ўринларнинг бир қисми технология саноатининг етакчи шахслари томонидан тўлдирилиши мумкин. Хусусан, Uberънинг бизнесни ривожлантириш бўйича собиқ директори Эмил Майкл Пентагонда муҳим лавозимни эгаллаши мумкин. Вице-президент этиб сайланган Жеймс Девид Венснинг бош ёрдамчиси Гейл Слейтер Адлия вазирлигининг монополияга қарши кураш бўлимига раҳбарлик қилиши тахмин қилинмоқда.
Изоҳ (0)