Туркия расмийларининг қароридан сўнг Анқарадаги Афғонистон элчихонаси ўз фаолиятини тўхтатди. Бу ҳақда Turkiye Today хабар берди.
Элчихона сўнгги уч ярим йил давомида, “Толибон” ҳокимиятга қайтгунга қадар фаолият юритган Афғонистон жамоаси билан ишлаётган эди. Эндиликда элчихона ёпилишини Туркия ҳукумати қарори билан изоҳламоқда.
2021 йил 15 август воқеаларидан сўнг, “Толибон”нинг элчихонани назоратга олишга бўлган муваффақиятсиз уриниши, ушбу элчихона дипломатлари, ходимларига, шунингдек, Туркия ҳукуматига ҳам босим ўтказилгани сабабли (Туркия) Ташқи ишлар вазирлиги элчининг республикадаги миссияси ва ушбу элчихона дипломатларининг фаолиятини тугатишга қарор қилди, дейилади элчихона баёнотида.
Туркия ташқи ишлар вазирлиги ҳам, афғон дипломатлари ҳам бу борада ҳеч қандай баёнот бермаган. Элчихона қўриқчиси идора “Толибон” режимига “мос келмагани” учун ёпилаётганини таъкидлаган. Элчихона Афғонистонда “халқ иродасига асосланган қонуний ҳукумат йўқлиги” сабабли ўз миссиясини тугатаётганини айтиб, Туркияга “сўнгги йилларда қўллаб-қувватлагани” учун миннатдорлик билдирган.
Туркия “Толибон” ҳокимиятга қайтганига қарамай, Кобулда ўз элчихонасини, шунингдек, шимолдаги Мозори-Шариф шаҳрида ва ғарбдаги Ҳиротда консулликларини сақлаб қолди.
Изоҳ (0)