Қўшма Штатларнинг биринчи хоними Мелания Трамп Россия президенти Владимир Путинга мактуб йўллади. Fox News эълон қилган хат матнидан англашилишича, у Кремль раҳбаридан украиналик болаларни ҳимоя қилишни сўраган.
АҚШ биринчи хоними, шунингдек, “дунёнинг қаерида туғилишидан қатъи назар, барча болалар муҳаббат, имконият ва хавфсизлик ҳақида орзу қилиши”ни таъкидлаган.
“Жаноб Путин, сиз уларнинг юзига табассумни қайтаришингиз мумкин. Бегуноҳ болаларни ҳимоя қилиш инсоният учун хизматдир. Сиз бу ишни бугуноқ амалга ошира оласиз”, деб ёзган Дональд Трампнинг рафиқаси.
Reutersънинг ёзишича, аввалига мактубнинг мавжудлиги ҳам номаълум бўлган. Кейинроқ эса унда Украинадан мажбуран кўчирилган болалар ҳақида сўз боргани ойдинлашган.
Украинадан олиб кетилган болалар
Халқаро жиноий суд (ICC) украиналик болаларнинг Россияга мажбуран олиб кетилиши бўйича иш очиб, Владимир Путин ва РФ болалар ҳуқуқлари бўйича вакили Мария Лвова-Беловага нисбатан ҳибсга олиш ордери чиқарган эди.
Маълумотларга кўра, Россия кучлари 2022 йил февралидан буён 19 мингдан ортиқ украиналик болани олиб кетган. Уларнинг мингдан зиёди қайтариб берилган.
Изоҳ (0)