Ўзбекистон, Туркия, Россия, Эрон ва Қозоғистон Афғонистонга сармоя киритишга тайёр. Бу ҳақда “Толибон” матбуот котиби Забиҳуллоҳ Мужоҳид ToloNews’га маълум қилди.
Мужоҳиднинг ToloNews телеканалига айтишича, санаб ўтилган мамлакатларнинг қатор компаниялари 2024 йилда тоғ-кон саноати ва энергетика соҳаларига, жумладан, гидроэлектр станциялари қурилишига сармоя киритиши керак.
“Толибон” расмийси 2023 йили хорижий сармояни жалб қилиш бўйича катта ишлар амалга оширилгани, 2024 йил ҳам давом этишини айтди. Бу масала ҳозирча айрим компаниялар билан музокаралар босқичида, бироқ аллақачон иш бошлаганлар ҳам бор.
Иқтисодиёт вазирлиги кўплаб давлатлар Афғонистонга сармоя киритишга қизиқиш билдирганини ва уларга барча зарур ёрдам кўрсатилишини таъкидлаган. Вазирликнинг қўшимча қилишича, хорижий инвесторлар қишлоқ хўжалиги, савдо, энергетика, темир йўл ва инфратузилма лойиҳаларига сармоя киритишга тайёр.
“Миллий ва халқаро инвесторлар қишлоқ хўжалиги, савдо, энергетика, темир йўл, автомобиль йўллари, инфратузилма лойиҳаларига сармоя киритишга қизиқиш билдирмоқда”, — дейди иқтисодиёт вазири ўринбосари Абдул Латиф Назари.
Изоҳ (0)