XX asrning eng mashhur kino yulduzlaridan biri Odri Hepbyornga tegishli bo‘lgan 19-asrga xos fermerlik uyi sotuvga qo‘yildi.
Ulkan xonadon 20,8 million dollarga baholanmoqda. Aktrisa bu uyda 1963-yildan 1993-yilga qadar o‘ttiz yil yashagan.
Xonadon Shveysariyaning Toloshna komunnasida, Jeneva aeroportidan taxminan 30 daqiqalik masofada joylashgan. 2001-yilda Odri Hepbyornning o‘g‘illari uyni Katarina va Jan-Mark Bojolenga sotishgan edi. Ko‘p farzandli oila bu uyda 24 yil yashagan.
Uy oilaga xotirjamlik hissi bergani va juda keng bo‘lgani tufayli aynan shu yerni tanlashgan. Ko‘chmas mulk 40 akr (162 ming kvadrat metr) maydonda joylashgan. Uch qavatli villa La Paisible (tarjimada tinch va osoyishta maskan) deb nomlanadi.
Endilikda Bolojenlar oilasi La Paisible’ni 20,8 million dollarga sotuvga qo‘yishdi. Uning narxiga 12 ta yotoqxona, 8 ta hammomdan iborat villa va unga tegishli bog‘ kiritilgan.
Birinchi qavatda mehmonxona, kutubxona va oshxona mavjud, ikkinchi qavatda derazalari sharqqa qaragan yotoqxonalar joylashgan. Shuningdek, mehmonlar uchun qo‘shimcha yotoqxonalar ham mavjud. Binoda 18-asrga xos kaminlar saqlanib qolgan. Hovlida 15 metrli hovuz joylashgan va isitish tizimi bilan jihozlangan. Bog‘da turli mevali daraxtlar, maysazorlar va keng ochiq maydonlar mavjud.
-FsS-ar8K.webp)
Uyning tashqi devorida Odri Hepbyorn ismi yozib qo‘yilgan, lekin sayyohlar bu yerga kamdan-kam tashrif buyuradi va uy egalarini bezovta qilmaydi.
Izoh (0)