Ўзбекистондаги барча давлат идораларининг расмий сайтлари gov.uz доменига ўтказилади. Бу ҳақда “Давлат органлари ва ташкилотларининг расмий веб-сайтлари фаолиятини янада такомиллаштириш чора-тадбирлари тўғрисида”ги ҳукумат қарорида белгиланди.
Қарорга кўра, 2025 йил 1 мартдан барча давлат органлари ва ташкилотлари Uzinfocom билан шартнома тузиб, расмий веб-сайтлари ва порталлари фаолиятини фақатгина ҳукумат портали – gov.uz орқали йўлга қўяди.
Қарорга кўра, расмий веб-сайт Ягона платформага ўтказилганидан сўнг бир ҳафта муддатда эски расмий веб-сайтлар домен манзилларини ҳамда веб-сайт ва ундаги маълумотларни сақлаб қолган ҳолда, Ягона платформадаги расмий веб-сайтлар манзилига йўналтирилади ёки уларнинг фаолияти тўхтатилади.
Давалат органларининг Ягона платформага ўтказиладиган сайтлари фаолиятини техник қўллаб-қувватлаш ҳамда уларга хизмат кўрсатиш бўйича сарф-харажатлар белгиланган тартибда тасдиқланган тарифларга мувофиқ давлат органлари билан Ягона платформа оператори ўртасида тузиладиган шартнома асосида мазкур давлат органларининг бюджетдан ташқари маблағлари, давлат бюджети маблағлари ҳамда қонунчиликда тақиқланмаган бошқа манбалар ҳисобидан молиялаштирилади.
“Киберхавфсизлик маркази” ДУК Рақамли технологиялар вазирлиги билан биргаликда Ягона платформани ҳар олти ойда беғараз асосда киберхавфсизлик талабларига мувофиқлиги юзасидан экспертизадан ўтказиб боради ҳамда киберхавфсизликни бўйича таъминлаш доимий мониторингни амалга оширади.
Ҳукумат доирасида амалга оширилаётган тадбирлар тўғрисидаги ахборотларни расмий веб-сайтда жойлаштирилишидан аввал бош вазир матбуот хизмати билан келишилган холда, амалга оширилади.
Изоҳ (0)