“My.gov.уз” ва Uzum Банк ҳамкорлик шартномасини тузишди. Ҳамкорлар Ўзбекистон аҳолиси учун бюджет тўловларини соддалаштириш ҳамда финтех-воситаларни ривожлантиришни режалаштирмоқда. Фойдаланувчилар давлат хизматларини олишда қулай нақдсиз тўлов усулини танлашлари мумкин: шахсий маблағлар ҳисобидан ёки муддатли тўлов асосида.
“Аҳолининг давлат хизматларидан фойдаланиш қулайлигини ошириш мақсадида биз my.gov.uz ва Uzum Банк ўртасида ўзаро ҳамкорлик шартномасини туздик. Энди my.gov.uz орқали пулли давлат хизматларини олишда тўловларни Uzum Банк иловасидаги шахсий маблағлардан тўлаш ёки Uzum Насияда муддатли тўлов расмийлаштириш имконияти яратилди. Фуқароларимиз ўз харажатларини режалаштириш ва зарур хизматларни вақтида олиш имкониятига эга бўладилар” – изоҳ берди Рақамли ҳукумат лойиҳаларини бошқариш маркази директори Анвар Мансуров.
“Ўртача ҳисобда my.gov.узъдаги ҳар тўртинчи мурожаат пулли хизматлар билан боғлиқ. Давлат хизматлари учун тўловлар бошқа ҳар қандай харидлар каби қулай бўлиши учун биз ягона порталда замонавий финтех-воситаларини жорий этдик. Эндиликда фойдаланувчи бир неча клик орқали хизматни расмийлаштириши ва иловада тўлов усулини танлаши мумкин: карта ёки янгиланувчи лимит орқали. Ундан микроқарзни Uzum картага ўтказиш ёки хизматни насияга харид қилиш мақсадида фойдаланиш мумкин. Харажатларни режалаштириш осонлашади ва харидни ортга суришга ҳожат қолмайди”, қайд этди Софя Назметдинова, Uzum Fintech давлат идоралари билан алоқалар бўйича директор.
Ҳар куни my.gov.uz дан 300 мингдан ортиқ киши фойдаланади. 2024 йилда юборилган умумий аризалар сони 32 млн.дан ошди. Унинг ёрдамида фойдаланувчилар зарур ҳужжатларни тезкор олишлари, ID-карта, хорижий паспорт, диплом нусхаси, лицензия ва рухсатномалар учун сўров юборишлари ҳамда бошқа вазифаларни онлайн ечишлари мумкин.
Реклама ҳуқуқи асосида.
Изоҳ (0)