Сурияда 61 йиллик Асад режими ағдарилганидан кейинги бошланган мамлакатни тиклаш жараёни доирасида миллий герб, шахсини тасдиқловчи гувоҳнома ва расмий ҳужжатлар янгиланмоқда.
50 нафар кўнгиллидан иборат жамоа — Mpire Agency брендинг ва маркетинг компанияси асосчиси Муҳаммад Селвае бошчилигида ҳукумат шахсини тасдиқловчи ҳужжатлар, паспортлар, расмий ҳужжатлар ва миллий логотипни қайта ишлаш билан шуғулланмоқда. Шунингдек, валюта дизайни ва давлат идоралари рамзларига ўзгартиришлар киритиш устида иш олиб борилмоқда.
Аниқланишича, мазкур ташаббус Муҳаммад Салваенинг ҳамкасби Васим Кадура Facebook’да “Сурияга янги ўзига хослик керак” деб ёзганидан кейин бошланган.
Шундан сўнг, Суриянинг янги ҳукумати Салвай ва Кадурага мамлакатнинг янги ўзига хослик тизимини ишлаб чиқишни расман топширди.
Мақсад — инсонларда юртга дахлдорлик туйғусини мустаҳкамлаш.
Биз шунчаки дизайн ишлаб чиқмаяпмиз. Биз янги дизайн яратишдан олдин Суриянинг тарихий мероси, меъморчилиги ва миллий рамзларини ўрганамиз, дейди Салвае Anadolu агентлиги мухбири билан суҳбатда.
У, шуниннгдек, ушбу лойиҳа Сурия халқининг дахлдорлик туйғусини мустаҳкамлаш ва мамлакатнинг халқаро майдондаги профессионаллигини ошириш учун жуда муҳимлигини қайд этди.
Дизайнер бу нафақат эстетик ўзгариш, балки Сурия тарихи, маданий мероси ва меъморчилигини акс эттирувчи “ўзига хосликни яратиш” эканлигини таъкидлади.
Ҳаммаси ҳамкасбим Вазим Кадуранинг “Сурияга янги ўзига хослик керак” деган постидан бошланди. Бу ғоя ҳукумат амалдорларининг эътиборини тортди ва Сурия ОАВ вазирлиги вакили Осама Али биз билан боғланди. У бизнинг компаниямизга бу лойиҳа билан шуғулланиш топширилганини айтди, дейди Салвае.
Жараённинг жадаллаштирилган графиги ҳақида гапирганда, Салвае шундай деди:
Бу шунчаки дизайнерлик лойиҳаси эмас. Бу янги ўзлик, мамлакат тарихи ва келажаги учун катта масъулиятдир. Вақт чекланганлигига қарамай, биз энг яхши натижага эришиш учун астойдил ишлаяпмиз.
Сурия миллий рамзларини ишлаб чиқиш лойиҳаси устида 50 нафар кўнгиллилар жамоаси, жумладан, тарихчилар, тадқиқотчилар ва олимлар ишламоқда. Лойиҳа 3-4 ойдан кейин якунланиши кутилмоқда. Жамоа аъзолари лойиҳа тафсилотлари ошкор бўлишининг олдини олиш учун махфийлик шартномасини имзоладилар.
Изоҳ (0)