Марказий банк Исломий молиявий хизматлар кенгашига аъзо бўлиши, автомобиль давлат рақами салкам 1 миллиард сўмга сотилиши, Янги йил байрамида ўзбекистонликлар 6 кун дам олиши — “Дарё” нашри бугун, 24 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Шавкат Мирзиёев амалий ташриф билан Россияга боради
Президент МДҲ ва ЕОИИ саммитларида иштирок этади.
Ўзбекистон халқ артисти Шафоат Раҳматуллаева 83 ёшида вафот этди
Актриса “Масхарабоз”, “Севгинатор”, “Сеҳрли қалпоқча” каби фильмлар ва кўплаб спектаклларда рол ўйнаган.
Марказий банк Исломий молиявий хизматлар кенгашига аъзо бўлди
Ташкилотга аъзолик Ўзбекистонда исломий молия институтлари фаолиятини тартибга солиш ва назорат қилиш халқаро тажрибани жорий этиш имконини беради.
Texnomart “энг зўр таклиф” рекламаси учун жаримага тортилди
Смартфонлар рекламасида “энг”, “энг яхши” каби орттирувчи нисбатлар ишлатилган, лекин бу даъволарни тасдиқлайдиган аниқ далиллар тақдим этилмаган.
Шавкат Мирзиёев Илҳом Алиевни туғилган куни билан табриклади
Ўзбекистон ва Озарбайжон раҳбарлари халқаро кун тартиби юзасидан ҳам фикр алмашиб, бўлажак тадбирлар режасини кўриб чиқди.
Жаҳон банки Ўзбекистонга 3,5 млн доллар ажратади
Бу маблағ Хоразм вилоятида қуёш электр станцияси лойиҳаси доирасида тақдим этилади.
Татаристондаги ёнғинда ҳалок бўлган 5 нафар ўзбекистонлик шахсига аниқлик киритилди
Уларнинг жасадларини ватанга қайтариш чоралари кўрилмоқда.
Ўзбекистонда чиқиндидан қарзини тўлаш учун фуқароларга 5 кун муҳлат берилади
Шундан кейин ҳам қарздорлик бартараф этилмаганда электр энергияси учун тўловларни қабул қилиш чекланади.
“Дарё” мақоласидан сўнг “Дунё садоси” фестивали ғолибларига мукофот пуллари тўлаб берилди
Салкам бир ярим йилдан буён ҳал этилмаётган мурожаат ижобий ечим топди.
Ўзбекистонда автомобиль давлат рақами салкам 1 миллиард сўмга сотилди
2023 йилда Ўзбекистонда 01 777 РРР давлат рақами 893 миллион сўмга сотилганди.
Ўзбекистонга 11 ойда 215 млн долларлик электромобиль импорт қилинди
Хитойдан 22,1 мингда электромобиль импорт қилинган.
Янги мактаб ва боғчалар, ватанпарварлик дарслари, педагогларнинг малака тоифаси: 2025 йили таълим тизимида қандай янгиликлар бўлади?
Президентга мактабгача ва мактаб таълими тизимида 2025 йилда амалга ошириладиган устувор вазифалар бўйича ахборот берилди.
Янги йил байрамида ўзбекистонликлар 6 кун дам олади
6 кунлик иш ҳафтасида ишлайдиган ходимлар эса 5 кун дам олади.
Ўзбекистонда 2025 йили соғлиқни сақлаш соҳасига 41 трлн сўм ажратилади
Президент ҳузурида соғлиқни сақлаш соҳасида қилинган ишлар ва 2025 йилга мўлжалланган устувор вазифалар кўриб чиқилди.
Изоҳ (0)