Наманганда мактаб директори хизмат хонасида қимор ўйини ташкил этгани аниқланиши, президентнинг етакчи тадбиркорлар билан мулоқоти, Комил Алламжонов ва Дмитрий Лини ўлдириш учун ёлланган шахслар қидирувга берилиши — “Дарё” нашри бугун, 20 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Россиялик генерал ўлимида гумонланган Ўзбекистон фуқаросига айблов қўйилди
Аҳмад Қурбонов Россияда умрбодга қамалиши мумкин.
Наманганда мактаб директори хизмат хонасида қимор ўйини ташкил этгани аниқланди
У ИИБ ходимлари томонидан ўтказилган рейдда қўлга тушган.
Тошкентдан таътилга отланаётган талабалар учун қўшимча автобус йўналишлари ташкил этилиши мумкин
Таъкидланишича, Тошкент шаҳридан ҳудудларга бир йўналишда жўнаб кетиш истагини билдирган талабалар сони 40 нафардан ошганда, Транспорт вазирлиги томонидан автобус ташкил этиб берилиши маълум қилинган.
Ўзбекистон ЖСТ бўйича АҚШ билан музокараларни якунлади
АҚШ Савдо вакили Ўзбекистоннинг ташкилотга аъзо бўлиши бўйича доимий саъй-ҳаракатларини эътироф этди.
Ўзбекистонда поезд йўловчиларига бепул кўрсатиладиган хизматлар рўйхати эълон қилинди
Ҳужжатга кўра, йўловчиларга йўл давомида чой, ичимлик суви, шакар кабилар бепул берилади.
Намангандаги новвойхонада гиёҳвандлик моддаси сақлаб келингани аниқланди (видео)
Ҳолат юзасидан жиноят иши қўзғатилиб, гумонланувчи шахсга нисбатан қамоққа олиш эҳтиёт чораси қўлланган.
Ўзбекистонда кичик бизнесга бериладиган кредитлар улуши оширилади
Президент тадбиркорликни ривожлантириш стратегик вазифа эканлигини айтди.
Ўзбекистонда бизнес учун инфратузилмани яхшилашга яна маблағ ажратилади
Йўл, сув, электр, газ, темирйўл каби инфратузилма объектларини яхшилашга 2024 йилда 35 трлн сўм йўналтирилган.
Комил Алламжонов ва Дмитрий Лини ўлдириш учун ёлланган шахслар қидирувга берилди
Суиқасд ижрочилари Россия фуқаролари экани аниқланган.
Ўзбекистонда 2025 йилда тадбиркорларга қанча ер таклиф этилиши маълум қилинди
1 январдан бошлаб ер ёки давлат мулки ҚҚСсиз сотилади.
Фарғонадаги портлашдан сўнг вилоятдаги барча заправкалар ўрганиб чиқилади
Бахтсиз ва нохуш ҳодисаларнинг олдини олиш, йўл қўйилган камчиликларни бартараф этиш мақсадида ишчи гуруҳ тузилди.
Шавкат Мирзиёев “чемпион” тадбиркорларни кўпайтириш кераклигини айтди
Президентнинг таъкидлашича, тадбиркорлар қанча бой бўлса, халқ шунча фаровон яшайди.
Тошкент вилоятида эр-хотин ва уларнинг 8 ёшли фарзанди ис газидан вафот этди
Ҳолат юзасидан туман прокуратураси томонидан терговга қадар текширув ҳаракатлари олиб борилмоқда.
Ўзбекистон сунъий интеллектга тайёргарлик индексида 17 ўринга юқорилади
Рейтингда Ўзбекистон 53,45 балл билан 70-ўринни эгаллаб турибди.
“Тадбиркорларимиз қанча бой бўлса, халқимиз шунча фаровон яшайди” — президент бошчилигидаги йиғилишдан муҳим иқтибослар
Шавкат Мирзиёев тадбиркорликни ҳар томонлама қўллаб-қувватлаш бўйича 2024 йил якунлари ва 2025 йилга асосий режалар юзасидан видеоселектор йиғилиши ўтказди. “Дарё” йиғилишда эълон қилинган муҳим маълумотлар ва билдирилган фикрларни жамлади.
Изоҳ (0)