Озодбек Назарбековнинг санъаткорларга эркинлик берилиши ҳақидаги фикрлари, Пискентдаги аҳоли ҳудудида бўрилар кезиб юргани аниқланиши, Зомин аэропорти фаолияти вақтинча тўхтатилиши — “Дарё” нашри бугун, 25 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Шавкат Мирзиёев Санкт-Петербургга етиб борди (фото)
“Пулково” халқаро аэропортида давлат раҳбарини Санкт-Петербург губернатори Александр Беглов ва бошқа расмийлар кутиб олди.
Ўзбекистонда оммавий тартибсизликларни молиялаштирганлик учун жавобгарлик белгиланади
Амалдаги қонунчиликда бунинг учун тўғридан тўғри жавобгарлик мавжуд эмас.
“Саволнинг оёғи Америкада”: Озодбек Назарбеков санъаткорларга эркинлик берилиши ҳақида
Вазир анчадан бери муҳокамаларга сабаб бўлаётган “маданият соҳасида давлат регулятор бўлмаслиги, вазирлик ёпилиши кераклиги”га оид саволга жавоб берар экан, соҳани назоратда ушлаш кераклиги, бошқа имкони йўқлигини, эркин бўлиши учун жамият ҳам бунга тайёр бўлиши зарурлигини билдирган.
Ўзбекистонда кўп квартирали уйларни бошқариш органлари электрон реестрини юритиш тартиби тасдиқланди
Президент қарори билан электрон реестрни шакллантириш ва юритиш тартибини такомиллаштириш белгиланганди.
“Туш ўнг бўлмас, ўнг туш бўлмас”: Тошкент шаҳар судининг баёнотига баёнот
“Дарё” нашрида “Бировнинг судидаги бегона шахслар: ЖИБ Юнусобод судида иккита иш битта залда кўрилдими?” номли мақола чоп этилган эди. Шу материалга Тошкент шаҳар суди саволларга тўла муносабат билдирибди.
Пискентдаги аҳоли ҳудудида бўрилар кезиб юргани аниқланди
Уларни тутиб, ҳайвонот боғига юбориш режалаштирилган.
Ўзбекистонда 2025 йил учун давлат бюджети тасдиқланди
Келгуси йилда ҳам харажатларнинг ижтимоий йўналтирилгани сақлаб қолинган.
Шавкат Мирзиёев авиаҳалокат муносабати билан Алиев ва Путинга ҳамдардлик йўллади
Azerbaijan Airlines йўловчи самолёти қулаши оқибатида кўплаб одамлар қурбон бўлганди.
Зомин аэропорти фаолияти вақтинча тўхтатилди
Аэропортда катта авиабортларни қабул қилиш бўйича иккинчи босқич таъмирлаш ва қайта жиҳозлаш ишлари амалга оширилмоқда.
Ўзбекистонда 1 январдан “Футбол TV” канали ишга тушади
Футболга ихтисослашган телеканал Ўзбекистон МТРК қошида ташкил этилиши кутилмоқда.
Шавкат Мирзиёев МДҲ давлатлари раҳбарларининг норасмий учрашувида иштирок этди (фото)
Учрашувда 2024 йилдаги биргаликдаги ишларнинг асосий якунлари сарҳисоб қилинди.
Tashkent City боғида автомобиллар ҳаракати 15 кунга чекланади
Ташриф буюрувчилардан боғ атрофидаги бинолар автотураргоҳларига машиналарни қўйиш сўралмоқда.
Бекзод Маматқулов Ўзбекистон футзал федерацияси президенти этиб сайланди
Тошкентда Ўзбекистон футзал федерациясининг тақдимот маросими ўтказилди.
Изоҳ (0)