“Ўзавтосаноат” ўқитувчиларга имтиёзли автокредит билан автомобилларни сотишдан бош тортгани ҳақида тарқалган хабарларни рад этди.
Ижтимоий тармоқларда UzAuto Вазирлар Маҳкамасининг ўқитувчилар учун автомобилларни тижорат банклари орқали 60 ой муддатга ва 30 фоиз дастлабки тўлов билан имтиёзли шартлар асосида харид қилиш бўйича топшириғини рад этгани ҳақида хабарлар ва хат сурати тарқалганди.
“Ўзавтосаноат” Вазирлар Маҳкамасининг топшириғини рад этгани тўғрисидаги хабарлар ҳақиқатга тўғри келмаслигини ҳамда фейк хабар эканлигини маълум қилди.
“Ўзавтосаноат” тижорат банклари томонидан Вазирлар Маҳкамасининг топшириғи ижроси доирасида бериладиган имтиёзли автокредитлар орқали автомобилларни сотишга тайёр (тижорат банкларида жисмоний шахсларнинг харидларини молиялаштириш учун кредитдан бошқа механизм мавжуд эмас)”, дейилади муносабатда.
Қайд этилишича, хатнинг асл нусхасида автомобиль харид қилиш учун Асакабанк, Алоқа Банк, Ипак йўли банки, InfinBANK, Бизнесни ривожлантириш банки, Аsiа Аllincе Bank ва Tenge Bank орқали турли механизмлар, жумладан, имтиёзли шартларда жорий этилган.
“Ўзавтосаноат” ижтимоий тармоқдаги гуруҳ админстраторларидан текширилмаган ва тасдиқланмаган маълумотларни тарқатмасликни сўради.
Изоҳ (2)
Qaror hali kuchga kirgani yoq. Avtosalondan so'rasak bankga yuborishdi. Bank xodimlari esa bizga hali qaror kelmapdi deyishdi.
Foizsizmi yoki imtiyozli 99.8 foiz bilanmi