Сирдарё вилояти Ховос туманида 100 миллион сўм имтиёзли кредит ажратиб беришни ваъда қилган шахс ушланди, деб хабар беради Бош прокуратура ҳузуридаги департамент.
Қайд этилишича, департаментнинг Ховос туман бўлими томонидан тезкор тадбир ўтказилган. Тадбирда “А.З.” МЧЖ раҳбари М.Д. (муқаддам фирибгарлик жинояти учун судланган) фуқаро М.Х.нинг ишончига кириб, унга 800 доллар эвазига банк муассасасида ишловчи танишлари ёрдамида 100 миллион сўм имтиёзли кредит ажратиб беришини айтиб, муқаддам 3 миллион сўмни қўлга киритиб, яна 7,1 миллион сўмни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Ўзбекистоннинг қатор ҳудудларида кредит пулларини ўзлаштирганлар ушлангани, Қашқадарёда кредит маблағларини ўзлаштирган банк бошқарувчиси собиқ ўринбосари аниқлангани, Фарғонада 19 нафар фуқаро номига автокредит расмийлаштириб, ажратилган маблағни ўзлаштирган шахслар аниқлангани тўғрисида хабар берилганди.
Изоҳ (0)