Англиянинг “Манчестер Сити” клуби “ПСЖ” дарвозабони Жанлуижи Доннарумма трансфери бўйича келишувга эришиш арафасида турибди. Football Italia журналисти Альфред о Педулла хабарига кўра, томонлар ўртасидаги музокаралар давом этмоқда ва битим яқин кунларда якунланиши кутилмоқда.
Доннарумма “шаҳарликлар” билан битим бўйича келишиб олган ва фаолиятини Англия Премьер Лигаси доирасида давом эттиришга розилик билдирган. Аммо ҳозирча клублар бир қарорга келгани йўқ. Дастлаб, “ПСЖ” италиялик дарвозабон учун 45–50 миллион евро сўраган эди. Бироқ клуб раҳбарияти футболчи келаси ёзда эркин агент сифатида кетиш эҳтимолини ҳисобга олиб, нархни 30 миллион еврога туширишга мажбур бўлган. “Манчестер Сити” эса ушбу суммани тўлашга тайёр эканлигини маълум қилган.
Аввалроқ Доннарумма Туркиянинг “Галатасарой” клубидан келган таклифини рад этгани ва Англия Премьер Лигаси клубларидан бирига ўтишни маъқул кўраётгани хабар қилинганди. Италиялик посбонга учта инглиз клуби қизиқиш билдирган — “Манчестер Юнайтед”, “Манчестер Сити” ва “Челси”. Ҳозирда эса асосий номзод сифатида Пеп Гвардиола бошқарувидаги жамоа кўрилмоқда.
- 26 ёшли Доннарумма 2021 йил ёзида “Милан”дан “ПСЖ”га эркин агент сифатида ўтган.
- Унинг парижликлар билан шартномаси 2026 йил ёзига қадар амал қилади.
- Transfermarkt портали футболчининг қийматини 40 миллион еврога баҳолаган.
Изоҳ (0)